Тауарлардың көрінісі фотосуретте көрсетілгеннен өзгеше болуы мүмкін

Бепантен Плюс д/наруж применения 30 гр крем

2668
Қолжетімділігі
Сатылымда бар
Үлгі
4250369504510
Елі
Швейцария
Өндіруші
Байер, АГ
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Бепантен® Плюс

Саудалық атауы

Бепантен® Плюс

Халықаралық патенттелмеген атауы

Жоқ

Дәрілік түрі

Сыртқа қолдануға арналған крем

Құрамы

1 грамм кремнің құрамында

белсенді заттар: 50 мг декспантенол, 5 мгхлоргексидин дигидрохлориді

қосымша заттар: DL-пантолактон, цетил спирті, стеарил спирті, ақ жұмсақ парафин,сұйық парафин, ланолин, макрогол стеараты, тазартылған су.

Сипаттамасы

Әлсіз иісі бар ақ дерлік түсті, гомогенді, мөлдір емес крем.

Фармакотерапиялық тобы

Антисептиктер және дезинфекциялайтын препараттар. Бигуанидтер және амидиндер. Басқа препараттармен біріктірілген хлоргексидин.

ATХ коды: D08AC52

Фармакологиялық қасиеттері

Фармакокинетикасы

Декспантенол теріге тез сіңеді. Декспантенол пантотен қышқылына (В5 дәрумені) айналады және осы дәруменнің эндогендік бөлігімен бірігеді. Қандапантотен қышқылы плазма ақуыздарымен байланысады (b-глобулиндермен және альбуминмен); өзгеріссіз күйде – 60-70%-ы несеппен, қалған бөлігі АІЖ арқылы шығарылады.

Хлоргексидин теріге жаққанда сіңбейді деуге болады. Пероральді қолданылғанда хлоргексидин толығымен дерлік нәжіспен шығарылады.

Фармакодинамикасы

Декспантенол Бепантен® Плюстің белсенді компоненті болып табылады, жасушаларда пантотен қышқылына (В5 дәрумені) тез өзгереді. Пантотен қышқылы – эссенциялық А коэнзимінің компоненті. А ацетилкоэнзимі түрінде жасуша метаболизмінде маңызды рөл атқарады және тері мен шырышты қабықтардың регенерациясын жақсартады. Декспантенол жергілікті қолданғанда тез таралады.

Хлоргексидин гидрохлориді грамоң бактерияларға, әсіресе, тері инфекцияларынақатысы бар алтын түстес стафилококк сезімтал штаммдары мен микроорганизмдерге қатысты бактерицидтік белсенділігі бар барынша белсенді және жақсы көтерімді жергілікті антисептиктердің бірі. Аздаған дәрежеде грамтеріспатогендерге қатысты белсенді,Pseudomonas және Proteus кейбір түрлері оған төзімді, вирустарға қатысты белсенді емес.

Қолданылуы

  • кез келген генездегі беткейлік жараларда, инфекция қаупі болғанда: сыдырылған жерлер, сызаттар, кесілген жерлер, жарықтар, күйіктер, ойық жаралар, дерматиттер
  • созылмалы жараларды емдеуде (тесілулер, аяқтардағы ойық жаралар және басқа)
  • тері инфекциясында, мысалы, екінші қайтара инфекция жұқтырған экзема, нейродерматиттер
  • бала емізетін аналарда емшек ұшы жарылғанда емдеу
  • аз ауқымды хирургия: шағын ашық зақымданулар және хирургиялық жаралар кезіндегі жергілікті антисептикалық дәрі.

Қолдану тәсілі және дозалары

Кремді жұқа қабаттап, күніне бір немесе бірнеше рет, қажет болған жағдайда, алдын ала тазартылған жара немесе терінің қабынған бөлігіне жағады және жеңіл ысқылайды. Қажет болса таңғышты пайдалануға болады.

Емдеу ұзақтығы емнің көрсетілімі мен тиімділігіне байланысты болады.

Жағымсыз әсерлері

Аталған қолайсыз әсерлері өздігінен келіп түскен хабарламалар негізінде көрсетілген, олардың әрқайсысының нақты кездесу жиілігін анықтау мүмкін емес.

Иммун жүйесі, тері және тері асты шелі аурулары тарапынан:

аллергиялық реакциялар, оның ішінде тері аллергиялық реакциялары: жанаспалы дерматит, аллергиялық дерматит, қышыну, эритема, экзема, бөртпе, есекжем, терінің тітіркенуі;

Аса жоғары сезімталдық, анафилаксиялық реакциялар және бөртпе, есекжем, ісіну, кардио-респираторлық дистресс және қышыну сияқты симптомдарды қоса, теріге, тыныс алу жолдарына, асқазан-ішек жолы және жүрек-қантамыр жүйесіне ықтимал әсер ететін әлсіз және орташа реакциялар синдромын қоса, тиісті зертханалық және клиникалық бронх демікпесі көріністеріне сәйкес анафилаксиялық шок (өмірге қауіп төндіруі ықтимал).

Қолдануға болмайтын жағдайлар

- препарат компоненттеріне жекелей жоғары сезімталдық

- тері ауқымды бөліктерінің зақымдануы

- дабыл жарғағының тесілуі.

Дәрілермен өзара әрекеттесуі

Хлоргексидин сабынмен және басқа анионды қосылыстармен үйлесімсіз.

Ықтимал өзара әрекеттесудің (антагонизм немесе белсенділіктің жойылуы) сақтандыру шаралары ретінде Бепантен Плюс басқа антисептиктермен бір мезгілде қолдану ұсынылмайды.

Айрықша нұсқаулар

Көзге, құлаққа және шырышты қабықтарға тигізбеу керек.
Препаратты терінің ауқымды бөліктеріне қолдануды болдырмаған жөн. Декспантенол тері тітіркенулерін емдеу үшін хлоргексидинмен (Бепантен® Плюс) бірге қолданылуы тиіс, олардың инфекция жұқтыру ықтималдығы аз (мысалы, күнге күйген орын). Мұндай жағдайларда декспантенолы бар Бепантен кремін немесе лосьонын пайдалану ұсынылады.

Жүктілік және лактация кезеңі

Кремді жүктілік және бала емізу кезінде пайдалануға болады (емізер алдында препаратты жуып тастау керек).

Жүктілік және бала емізу кезінде терінің ауқымды бөліктерінің зақымдануында қолдануға болмайды.

Дәрілік заттың көлік құралдарын және қауіптілігі зор механизмдерді басқару қабілетінеәсер ету ерекшеліктері

Әсер етпейді

Артық дозалануы

Бепантен Плюс үлкен дозада да жақсы көтерімді, әдебиетте оның уыттылығы туралы деректер жоқ. Гипервитаминоз болуы белгісіз. Кездейсоқ көзге түсіп кеткенде елеусіз тітіркенуі мүмкін, оны сумен немесе физиологиялық ерітіндімен шайып кетіреді.

Препаратты зақымданған бір жерге қайталап жиі қолдану тері тітіркенуіне әкелуі мүмкін.

Емі. Препаратты қолдануды тоқтату керек. Симптоматикалық ем.

Шығарылу түрі мен қаптамасы

30 г препараттан сықпаға салады. 1 сықпадан мемлекеттік және орыс тілдеріндегі қолдану жөніндегі нұсқаулықпен бірге картон қорапшаға салады.

Сақтау шарттары

25 ° С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші ұйымның атауы мен елі

ГП Гренцах Продукционс ГмбХ, Германия

Қаптаушы ұйымның атауы мен елі

ГП Гренцах Продукционс ГмбХ, Германия

Тіркеу куәлігі ұстаушысының атауы мен елі

Байер Консьюмер Кэр АГ, Швейцария

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның мекенжайы

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел. +7 727 258 80 40, факс: +7 727 258 80 39

e-mail: kz.claims@bayer.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел: +7 701 715 78 46 (тәулік бойы)

тел:+7 727 258 80 40, ішкі 106(жұмыс сағатында)

факс: +7 727 2588 039

e-mail: pv.centralasia@bayer.com

Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.

Дәріханалар

Тауар артығымен бар
Тауар аз қалды
Аптека № 32
г.Туркестан ул Б.Саттарханова 27 г
Круглосуточно
Аптека № 226
пр. Тауке-Хана, стр-е 200
Круглосуточно
Аптека №290
Ул. Б. Саттарханов. Караван Сарай. Здание 25А.
09:00-23:00