Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Дексаметазон 0,5 мг, №10, табл.

519
Қолжетімділігі
Сатылымда бар
Үлгі
3838989501228
Елі
Словения
Өндіруші
KRKA d.d.
  • Сипаттама
  • Дәріханалар

Сипаттама

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Дексаметазон - КРКА

Халықаралық патенттелмеген атауы

Дексаметазон

Дәрілік түрі, дозалануы

Таблеткалар, 0,5 мг

Фармакотерапиялық тобы

Жүйелі әсер ететін гормональді препараттар, жыныс гормондарын және инсулиндерді қоспағанда.Жүйелі қолдануға арналған кортикостероидтар. Жүйелі қолдануға арналған кортикостероидтар, қарапайымдар. Глюкокортикоидтар. Дексаметазон.

АТХ коды H02AB02

Қолданылуы

Неврологиялық аурулар

- ми ісігінен туындаған мидың ісінуі, нейрохирургиялық емшаралар, церебральді абсцесс

Тыныс алу жүйесінің аурулары

- бронх демікпесінің ауыр жедел ұстамасы

Тері аурулары

- эритродермия, тұрпайы сулы бөртпе, жедел экзема сияқты таралған, жедел, ауыр тері ауруларын бастапқы пероральді емдеу

Аутоиммундық/ревматологиялық аурулар

- жүйелі қызыл жегі (әсіресе висцеральді түрлері) сияқты аутоиммундық ауруларды бастапқы пероральді емдеу,

- ауыр үдемелі ағымы бар белсенді ревматоидты артрит, мысалы, жылдам өтетін деструктивті түрлері және / немесе буыннан тыс көріністер

Инфекциялық аурулар

- уытты жай-күймен ауыр инфекциялық аурулар (туберкулез, іш сүзегі) тек қана инфекцияға қарсы еммен бірге

Онкологиялық аурулар

- қатерлі жаңа түзілімдердің паллиативті емі

Эндокринологиялық аурулар

- ересектердегі туа біткен адреногенитальді синдром

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • әсер етуші затқа немеcе қосымша заттардың кез келгеніне аса жоғары сезімталдық

Қолдану кезінде қажетті сақтық шаралары

Дозаға және емнің ұзақтығына байланысты глюкокортикоидты емнен туындаған бүйрек үсті безі қыртысының жеткіліксіздігі бірнеше ай бойы, ал жекелеген жағдайларда емді тоқтатқаннан кейін бір жылдан астам сақталуы мүмкін. Физикалық стресс жағдайларында (жарақаттар, хирургиялық операциялар, босану және т.б.) Дексаметазон - КРКА дозасын уақытша арттыру қажеттілігі пайда болуы мүмкін. Ұзақ мерзімді емдегі пациенттерге стресс жағдайларында потенциалды қауіпке байланысты стероидты картаны рәсімдеу қажет. Физикалық стресс жағдайларында емдеуді тоқтатқаннан кейін бүйрек үсті бездерінің ұзақ жеткіліксіздігі кезінде глюкокортикостероидтарды қолдану қажет болуы мүмкін. Препаратты болжамды тоқтату жағдайында емдеу салдарынан бүйрек үсті безінің жеткіліксіздігін дозаны біртіндеп төмендету арқылы азайтуға болады.

Иммуносупрессииялық әсер ету нәтижесінде Дексаметазон - КРКА емдеу бактериялық, вирустық, паразиттік, оппортунистік және зеңді инфекциялардың даму қаупінің артуына әкелуі мүмкін. Бұл бұрыннан бар немесе дамып келе жатқан инфекцияның симптомдарын бүркемелеуі мүмкін, бұл диагностиканы қиындатады. Туберкулез немесе В гепатиті сияқты жасырын инфекциялардың реактивациясы мүмкін.

Дексаметазон - КРКА емдеуді қатаң көрсетілімдер болған жағдайда ғана жүргізген жөн және қажет болған жағдайда мынадай жағдайлардың кез келгені болған жағдайда инфекцияға қарсы мақсатты емдеуді қосымша қолданған жөн:

- жедел вирустық инфекциялар (белдемелі герпес, қарапайым герпес, желшешек, герпестік кератит)

- HBsAG-оң созылмалы белсенді гепатит

- тірі вакциналармен вакцинациядан кейін шамамен 8-ден 2 аптаға дейін уақыт аралығында

- жүйелі микоздар және паразиттік аурулар (мысалы, нематодтар)

- стронгилоидоз (жіпше құрттармен инфекциялану) күдігі бар немесе расталған пациенттер, глюкокортикоидтар осы паразиттердің белсенуіне және жаппай көбеюіне әкелуі мүмкін

- полиомиелит

- БЦЖ вакцинациясынан кейінгі лимфаденит

- жедел және созылмалы бактериялық инфекциялар

- анамнезінде туберкулезі бар пациенттерде тек туберкулостатикалық қорғанысты қамтамасыз ететін препараттармен қолдануға болады

Бұдан басқа, Дексаметазон - КРКА емдеуді қатаң көрсетілімдер болған кезде ғана қолдану керек, сондай-ақ қажет болған жағдайда мынадай жағдайларда қосымша спецификалық емдеу қарастырылуы тиіс:

- асқазан-ішек жолдарының ойық жаралары

- остеопороз

- ауыр жүрек жеткіліксіздігі

- бақыланбайтын артериялық гипертензия

- бақылануы қиын қант диабеті

- суицидтікті қоса, психикалық бұзылулар (анамнезде болуы): неврологиялық немесе психиатриялық бақылау ұсынылады

- ашық бұрышты және жабық бұрышты глаукома: офтальмологиялық мониторинг және қосымша ем ұсынылады

- мөлдір қабықтың ойық жаралары мен жарақаттары: офтальмологиялық мониторинг және қосымша ем ұсынылады.

Ішек тесілу қаупіне байланысты Дексаметазон - КРКА препаратын тек шұғыл көрсетілімдер бойынша және келесі жағдайларда қатаң бақылау кезінде қолдануға болады:

- перитонеальді симптомдарсыз тесілу қаупі бар ауыр ойық жаралы колит

- дивертикулит

- энтероанастомоз (бірден операциядан кейін)

Асқазан-ішек жолының тесілуінен кейін ішперденің тітіркену белгілері глюкокортикоидтардың жоғары дозаларын алатын пациенттерде болмауы мүмкін.

Қант диабеті бар пациенттерде Дексаметазон - КРКА қолданғанда инсулиннің немесе пероральді гипогликемиялық препараттардың неғұрлым жоғары дозасында қажеттіліктің пайда болуын ескеру керек.

Препаратпен емдеу кезінде, әсіресе бақылануы қиын артериялық гипертензиясы пациенттерде Дексаметазон - КРКА анағұрлым жоғары дозаларын қолданған кезде артериялық қысымға тұрақты мониторинг жүргізу қажет.

Асқыну қаупіне байланысты ауыр жүрек жеткіліксіздігі бар пациенттер мұқият бақылауда болуы тиіс.

Дексаметазонның жоғары дозаларын қолдану брадикардияны туындатуы мүмкін.

Препаратты қолданғанда ауыр анафилаксиялық реакциялар дамуы мүмкін.

Фторхинолондар мен глюкокортикоидтарды бір мезгілде қолданған кезде сіңір аурулары, тендинит және сіңірлердің үзілу қаупі артады.

Дексаметазон - КРКА емдеу қатарлас миастенияның асқынуын туындатуы мүмкін.

Жалпы, емдеу кезеңінде инактивацияланған вакциналармен егу жүргізілуі мүмкін. Алайда, иммундық жауап, демек, кортикостероидтардың анағұрлым жоғары дозаларын енгізген кезде вакцинаның әсері өзгеруі мүмкін екенін ескеру керек.

Дексаметазон - КРКА емдеудің ұзақ курсы кезінде тұрақты медициналық тексеру (әрбір 3 ай сайын кезеңділікпен офтальмологиялық тексеруді қоса) көрсетілген.

Жоғары дозаларды қолданған кезде калийді жеткілікті мөлшерде қабылдауды және натрийді шектеуді қамтамасыз ету, сондай-ақ қан сарысуындағы калий деңгейін бақылау қажет.

Дозасына және емдеу ұзақтығына байланысты кальций метаболизміне жағымсыз әсер етуі мүмкін; осыған байланысты остеопороздың профилактикасын жүргізу ұсынылады. Бұл әсіресе отбасылық бейімділік, жас, менопаузадан кейінгі кезең, ақуыз бен кальцийдің жеткіліксіз тұтынылуы, темекі шегу, алкогольді шамадан тыс тұтыну және жеткіліксіз физикалық белсенділік сияқты қатарлас қауіп факторлары бар пациенттерге қатысты. Профилактика шараларына кальций мен D дәрумені жеткілікті мөлшерде тұтыну, сонымен қатар физикалық белсенділік жатады. Бұрыннан бар остеопороз кезінде қосымша дәрі-дәрмектік емді қарастырған жөн.

Ұзақ уақытқа созылған глюкокортикоидты емді тоқтатқаннан кейін мынадай қауіптер ескерілуі тиіс: негізгі аурудың асқынуы немесе қайталануы, жедел бүйрек үсті безінің жеткіліксіздігі, кортизонды тоқтату синдромы.

Кейбір вирустық аурулар (желшешек, қызылша) глюкокортикоидтарды қабылдаған пациенттерде ауыр түрде өтуі мүмкін. Иммунитеті төмен, желшешек немесе қызылшаға шалдықпаған пациенттер, осы қауіпке әсіресе бейім. Егер бұл пациенттер қызылша немесе желшешек жұқтырған адамдармен Дексаметазон - КРКА емдеу кезінде байланыста болса, қажет болған жағдайда профилактикалық ем жүргізу керек.

Маркетингтен кейінгі кезеңде монотерапия түрінде немесе басқа химиотерапиялық препараттармен біріктірілімде дексаметазонды қолданғаннан кейін қанның қатерлі аурулары бар пациенттерде ісік лизисі синдромының (ІЛС) дамуы туралы хабарланды. Пролиферация жылдамдығы жоғары, жоғары ісік жүктемесі және цитоуытты препараттарға жоғары сезімталдығы бар пациенттер сияқты ІЛС қаупі жоғары пациенттерді мұқият бақылап, тиісті сақтық шараларын қабылдаған жөн.

Көрудің бұзылуы

Кортикостероидтарды жүйелі және жергілікті қолданғанда көрудің бұзылуы байқалуы мүмкін. Егер пациентте көрудің көмескіленуі немесе көрудің басқа да бұзылулары сияқты симптомдар байқалса, жүйелі және жергілікті кортикостероидтарды қолданғаннан кейін хабарланған катаракта, глаукома немесе орталық серозды хориоретинопатия (ОСХРП) сияқты сирек ауруларды қамтуы мүмкін себептерді бағалау үшін офтальмологтың кеңесі туралы мәселені қарастыру керек.

Дексаметазон - КРКА қолдану допинг-бақылау жүргізу кезінде оң нәтижеге әкелуі мүмкін.

Басқа дәрілік препараттармен өзара әрекеттесуі

Эстрогендер (мысалы, пероральді контрацептивтер): глюкокортикоидтардың жартылай шығарылу кезеңі ұзаруы мүмкін. Сондықтан кортикостероидтардың әсері күшеюі мүмкін.

Антацидтер: алюминий гидроксидін немесе магний гидроксидін бір мезгілде қолдану Дексаметазон - КРКА тиімділігінің төмендеуін қоса, глюкокортикостероидтардың сіңірілуінің төмендеуіне әкелуі мүмкін. Көрсетілген препараттарды қабылдау арасында 2 сағаттық аралықты сақтау ұсынылады.

Рифампицин, фенитоин, карбамазепин, барбитураттар және примидон сияқты CYP3A4 индукциялайтын препараттар: кортикостероидтардың әсері төмендеуі мүмкін.

Құрамында кобицистат бар препараттарды қоса, CYP3A тежегіштерімен бір мезгілде қолданғанда жүйелі жағымсыз әсерлердің даму қаупінің артуы күтіледі. Емдеудің пайдасы кортикостероидтардың жүйелі жағымсыз әсерлерінің даму қаупінің жоғарылауынан жоғары болған жағдайларды қоспағанда, осы біріктірілімнен аулақ болу керек. Бұл жағдайда пациенттер кортикостероидтардың жүйелі әсерінің пайда болу мәніне бақылауда болуы тиіс.

Кетоконазол және итраконазол сияқты CYP3A4 бәсеңдететін препараттар: кортикостероидтардың әсерінің күшеюі мүмкін.

Эфедрин: глюкокортикоидтардың метаболизмі жеделдетілуі мүмкін, сондықтан бұл олардың тиімділігінің төмендеуіне әкеледі.

АӨФ тежегіштері: қан көрсеткіштерінің өзгеру қаупі жоғары.

Жүрек гликозидтері: гликозидтердің әсері калий тапшылығы кезінде күшеюі мүмкін.

Салуретиктер/іш жүргізетін дәрілер: калий экскрециясының жоғарылауы мүмкін.

Гипогликемиялық препараттар: гипогликемиялық әсердің төмендеуі мүмкін.

Кумарин туындылары: антикоагулянтты әсердің төмендеуі немесе артуы мүмкін. Бірге қолданған кезде антикоагулянт дозасын түзету қажет болуы мүмкін.

Қабынуға қарсы стероидты емес препараттар (ҚҚСП), салицилаттар және индометацин: асқазан-ішек ойық жаралары мен қан кетудің даму қаупі артады.

Деполяризацияламайтын миорелаксанттар: миорелаксантты әсердің ұзаруы мүмкін.

Атропин, басқа антихолинергиялық препараттар: бір мезгілде қолданған кезде көзішілік қысымның қосымша жоғарылауы мүмкін.

Празиквантел: кортикостероидтар қандағы празиквантел концентрациясының төмендеуін туындатуы мүмкін.

Хлорохин, гидроксихлорохин, мефлохин: миопатия мен кардиомиопатияның даму қаупі жоғары.

Соматропин: соматропин әсері ұзақ уақыт ем кезінде төмендеуі мүмкін.

Протирелин: протирелинмен емдеу кезінде тиреотропты гормон (ТТГ) деңгейінің төмендеуі мүмкін.

Иммуносупрессиялық препараттар: инфекцияларға сезімталдықтың жоғарылауы және латентті инфекциялардың асқыну немесе белсенуі мүмкін. Сонымен қатар, циклоспорин үшін: қандағы циклоспорин мөлшерінің жоғарылауы: құрысулардың жоғары қаупі бар.

Фторхинолондар сіңір ауруларының даму қаупін арттыруы мүмкін.

Зерттеу әдістеріне әсері: аллергиялық тесттерді жүргізу кезінде тері реакцияларының айқындылық деңгейінің төмендеуі.

Арнайы ескертулер

Балалар

Дексаметазон - КРКА балаларда өсу кезеңінде қолдану кезінде осы емдеудің пайдасы мен қаупінің арақатынасын мұқият таразылау керек.

Ем ұзақтығы бойынша шектеулі болуы керек немесе ұзақ мерзімді ем жағдайында оны үзілістермен жүргізу керек.

Шала туған балалар: қолда бар деректер күніне екі рет 0,21 мг/кг бастапқы дозаларда өкпенің созылмалы аурулары бар шала туған балаларды ерте емдегеннен кейін (туғаннан кейін< 96 сағат) жүйке жүйесі тарапынан ұзақ жағымсыз құбылыстардың дамуы туралы куәландырады.

Егде жастағы пациенттер

Дексаметазон - КРКА емдеу кезінде егде жастағы пациенттерде остеопороздың жоғары даму қаупін ескере отырып, пайда мен қауіп арақатынасын мұқият таразылау керек.

Жүктілік немесе лактация кезінде

Жүктілік

Дексаметазон плацента арқылы өтеді. Жүктілік кезінде, әсіресе бірінші триместрде, бұл препаратты пайда мен қауіп арақатынасын мұқият бағалағаннан кейін ғана қолдану керек.

Жүктілік кезінде глюкокортикоидтармен ұзақ емдеу кезінде шарана өсуінің бұзылуын жоққа шығаруға болмайды.

Буаз жануарларға кортикостероидтарды енгізу таңдайдың бөлінуін, құрсақішілік өсудің тежелуін қоса, ұрықтың дамуындағы ауытқуларды туындатуы, сондай-ақ мидың өсуі мен дамуына әсер етуі мүмкін. Кортикостероидтарды қолдану адамдарда таңдай/ерін бөлінуі сияқты туа біткен ауытқулардың жоғары жиілігіне әкеледі деген дәлелдер жоқ.

Жүктілік кезеңінің соңында глюкокортикостероидтарды қолданғанда, шарананың бүйрек үсті безі қыртысының атрофиясы қаупі бар, бұл жаңа туған нәрестеде алмастыру емін қажет етуі мүмкін, оны одан әрі баяу төмендету қажет.

Емшек емізу

Дексаметазон емшек сүтімен шығарылады. Емшек еметін жастағы балаларға жағымсыз әсер ету жағдайлары белгісіз. Дегенмен, лактация кезеңінде препаратты қатаң көрсетілімдер бойынша қолдану керек. Жоғары дозаларды қолдану қажет болған жағдайда емшек емізуді тоқтату керек.

Фертильділік

Дексаметазон тестостерон биосинтезін және АКТГ эндогендік сөлінісін төмендетеді, бұл сперматогенез мен овариальді циклге әсер етеді.

Препараттың кейбір ингредиенттері туралы ақпарат

Дексаметазон - КРКА құрамында лактоза бар. Сирек тұқым қуалайтын галактозаны көтере алмаушылығы, лактоза жеткіліксіздігі және глюкоза-галактоза сіңірілуінің бұзылуы бар пациенттер бұл препаратты қабылдамауы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және механизмдерді пайдалану қабілетіне әсерін зерттеу бойынша зерттеулер жүргізілген жоқ.

Қолдану жөніндегі нұсқаулар

Дозалау режимі

Доза аурудың сипатына, ауырлығына және пациенттің жүргізілетін емделуге жеке реакциясына байланысты. Әдетте салыстырмалы түрде жоғары бастапқы дозалар енгізіледі және созылмалы ауруларға қарағанда жедел ауыр түрлерінде елеулі жоғары болуы тиіс.

Егер басқасы тағайындалмаса, дозалау бойынша мынадай ұсынымдар қолданылады:

Бас миының ісінуі: Себебіне және ауырлық дәрежесіне байланысты бастапқы доза вена ішіне 8-10 мг (80 мг дейін), содан кейін тәулігіне 16-24 мг (48 мг дейін) пероральді, 4-8 күн бойы 3-4 (6 дейін) жеке дозаларға бөлінген.

Сәулелік ем және мидың операция жасалмайтын ісіктерін консервативті емдеу кезінде Дексаметазон - КРКА төмен дозаларын ұзақ қабылдау қажет болуы мүмкін.

- Бактериялық менингит салдарынан мидың ісінуі: әрбір 6 ай сайын дене салмағына 0,15 мг/кг, балаларға: бастапқы антибиотикотерапиядан кейін 2 күн бойы әрбір 12 сағат сайын дене салмағының 0,4 мг/кг.

- Демікпенің ауыр жедел ұстамасы: ересектер: 8-20 мг, содан кейін қажет болған жағдайда әрбір 4 сағат сайын 8 мг. Балалар: дене салмағының 0,15-0,3 мг/кг.

- Асқыну сатысындағы тері аурулары: аурудың сипаты мен ауырлық дәрежесіне байланысты тәуліктік доза 8-40 мг құрайды. Бұдан әрі емдеуді төмен дозаларды қолданумен жалғастыру керек.

- Асқыну сатысындағы жүйелі ревматологиялық аурулар: жүйелі қызыл жегі - тәулігіне 6-16 мг.

- Белсенді ревматоидты артриттің ауыр үдемелі түрі: жылдам жүретін деструктивті түрлерінде тәулігіне 12-16 мг, буыннан тыс көріністе тәулігіне 6-12 мг.

- Ауыр инфекциялық аурулар, уытты жағдайлар (мысалы, туберкулез, іш сүзегі): тек қатарлас инфекцияға қарсы еммен біріктірілімде, бірнеше күн бойы 4-20 мг.

- Қатерлі жаңа түзілімдерді паллиативті емдеу: бастапқы дозасы тәулігіне 8-16 мг, ұзақ емдеу кезінде тәулігіне 4-12 мг.

- Ересектердегі туа біткен адреногенитальді синдром: бір реттік доза түрінде тәулігіне 0,25-0,75 мг. Қажет болған жағдайда емдеу сызбасына минералкортикоидтарды (флудрокортизон) қосады. Физикалық стресс жағдайларында (мысалы, жарақат, хирургиялық араласу), интеркуррентті инфекциялар және т.б. дозаны 2-3 есе, ал экстремалды стресс кезінде (мысалы, босану) - 10 есе арттыру қажет болуы мүмкін.

Дозаны түзету үшін таблеткаларды бөлмеген жөн. 0,5 мг бір немесе бірнеше таблеткамен қамтамасыз етілмейтін дозамен емдеу қажет болған жағдайда басқа тиісті препараттарды қолдану туралы мәселені қарастыру керек.

Енгізу әдісі және жолы

Таблеткаларды тамақтану кезінде немесе одан кейін қабылдау керек. Таблеткаларды сұйықтықтың жеткілікті мөлшерін іше отырып, тұтастай жұту керек.

Негізгі ауруға, клиникалық симптомдарға және жүргізілетін емге реакцияға байланысты емді кейіннен тоқтатумен препарат дозасын неғұрлым тез немесе баяу төмендетуге немесе барынша төмен демеуші дозада пациент жағдайын тұрақтандыруға және қажет болған жағдайда бүйрек үсті безі функциясына мониторинг жүргізуге болады. Жалпы, қажет болған жағдайда препараттың жоғары дозаларымен ұзақ емдеуді жүргізуге болады, бірақ бұл ретте барынша ықтимал төмен дозалар мен қысқа емдеу курсын пайдалану керек. Негізінен, препараттың дозасын біртіндеп азайту керек.

Алғашқы емдеуден кейін қажет деп саналатын ұзақ мерзімді ем кезінде пациенттерді преднизонға/преднизолонға ауыстыру керек, өйткені бұл бүйрек үсті безінің функциясының төмендеуіне әкеледі.

Гипотиреоз немесе бауыр циррозы кезінде төмен дозалы ем тиімді болуы мүмкін немесе препарат дозасын төмендету қажет болуы мүмкін.

Қабылдау уақытын көрсетумен қолдану жиілігі

Тәуліктік дозаны, егер мүмкін болса, таңертең бір рет қабылдау керек (циркадты ем). Ауруға байланысты жоғары дозалы емді қажет ететін пациенттерде ең жоғары әсерге қол жеткізу үшін препаратты көп рет қабылдау жиі қажет болады.

Емдеу ұзақтығы

Емдеу ұзақтығын емдеуші дәрігер анықтайды.

Артық дозаланған жағдайда қолдану қажет шаралар

Симптомдары: дексаметазонмен жедел уыттану жағдайлары белгісіз. Созылмалы артық дозаланған жағдайда жағымсыз әсерлердің, атап айтқанда эндокриндік, метаболизмдік және электролиттік әсерлердің күшеюін күтуге болады.

Емі: препаратты тоқтату керек. Белгілі арнайы антидоты жоқ. Емі демеуші және симптоматикалық ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Осы дәрілік препаратты қолдану бойынша қосымша сұрақтар туындаған кезде дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Дексаметазонмен емдеу кезінде туындауы мүмкін жағымсыз әсерлер туындау жиіліктері тәртібімен келесі топтарға жіктеледі:өте жиі (≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 -< 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Алмастырушы гормондық ем

Ұсынылған дозаларды қолданған кезде жағымсыз әсерлердің даму қаупі төмен болып табылады.

Фармакотерапия

Жағымсыз реакциялардың дамуы дозаға және емдеу ұзақтығына байланысты, осыған байланысты олардың жиілігін анықтау мүмкін емес. Келесі жағымсыз реакциялар дамуы мүмкін:

Инфекциялар және инвазиялар

Инфекция симптомдарын бүркемелеу, вирустық инфекциялардың, зеңді инфекциялардың, бактериялық, паразиттік және оппортунистік инфекциялардың көрінісі және асқынуы, стронгилоидоздың белсенуі

Қан және лимфа жүйесі тарапынан бұзылулар

Орташа лейкоцитоз, лимфоцитопения, эозинопения, полицитемия.

Иммундық жүйе тарапынан бұзылулар

Аса жоғары сезімталдық реакциялары (мысалы, дәрі-дәрмектік экзантема), аритмия, бронх түйілуі, гипо - немесе гипертензия, қан айналымы жеткіліксіздігі, жүректің тоқтауы, иммунитеттің төмендеуі сияқты ауыр анафилаксиялық реакциялар.

Эндокриндік жүйе тарапынан бұзылулар

Бүйрек үсті безі функциясының бәсеңдеуі және Кушинг синдромы (типті симптомдар: ай тәрізді бет, орталық тип бойынша семіздік, артық салмақ).

Зат алмасудың және тамақтанудың бұзылулары

Ісіну кезінде натрийдің іркілуі, жоғары калий экскрециясы (аритмияның даму қаупі), дене салмағының артуы, глюкозаға төзімділіктің төмендеуі, қант диабеті, гиперхолестеринемия және гипертриглицеридемия, тәбеттің жоғарылауы

Психика тарапынан бұзылулар

Депрессия, ашушаңдық, эйфория, тартымдылықтың жоғарылауы, психоз, мания, елестеулер, эмоционалды тұрақсыздық, үрей, ұйқының бұзылуы, суицидтік мінез-құлық.

Жүйке жүйесі тарапынан бұзылулар

Мидың жалған туморы, латентті эпилепсияның көрінісі, манифестті эпилепсия кезінде құрысулық дайындықтың жоғарылауы.

Көру ағзасы тарапынан бұзылулар

Катаракта, әсіресе артқы субкапсулярлық бұлыңғырлану кезінде, глаукома, мөлдір қабықтың ойық жаралануымен байланысты симптомдардың асқынуы, көздің вирустық, зеңді және бактериялық инфекцияларының пайда болуының жиілеуі, мөлдір қабықтың бактериялық инфекцияларының асқынуы, птоз, мидриаз, хемоз, склераның ятрогенді тесілуі, хориоретинопатия. Қайтымды экзофтальмның сирек жағдайлары, дексаметазонды субконъюнктивалық қолданғаннан кейін, герпестік кератит, бұрыннан бар кератит жағдайында мөлдір қабықтың тесілуі, көрудің көмескіленуі.

Қантамырдар тарапынан бұзылулар

Артериялық гипертензия, атеросклероз бен тромбоздың жоғары даму қаупі, васкулит (ұзақ емнен кейін тоқтату синдромы сияқты), капиллярлардың жоғары сынғыштығы.

Асқазан-ішек жолының тарапынан бұзылулар

Асқазан мен он екі елі ішектің ойық жаралары, асқазан-ішектен қан кету, панкреатит, асқазан аймағындағы жайсыздық, ықылықтау.

Тері және тері асты тіндері тарапынан бұзылулар

Стриялар, атрофия, телеангиэктазиялар, петехиялар, экхимоз, гипертрихоз, стероидиндукцияланған безеу, розацеа тәрізді (периоральді) дерматит, тері пигментациясының өзгеруі.

Тірек-қимыл аппараты және дәнекер тіндердің тарапынан бұзылулар

Миопатия, атрофия және бұлшықет әлсіздігі, остеопороз (дозаға тәуелді, қысқа мерзімді қолданғанда да мүмкін), асептикалық сүйек некрозы, сіңір аурулары, тендинит, сіңірдің үзілуі, эпидуральді липоматоз, балалардағы өсудің бәсеңдеуі.

Ескерту:

Ұзақ емдеуден кейін дозаны өте жылдам төмендету бұлшықет пен буынның ауыруы сияқты симптомдарды туындатуы мүмкін.

Ұрпақ өрбіту жүйесі және сүт бездері тарапынан бұзылулар

Жыныстық гормондар секрециясының бұзылуы (нәтижесінде: аменореяға дейінгі тұрақсыз етеккір, гирсутизм, импотенция).

Жалпы бұзылыстар және енгізу орнындағы реакциялар

Жарақаттың баяу жазылуы.

Ауыр жағымсыз әсерлері дамыған жағдайда, емдеуді тоқтату керек.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 0,5 мг дексаметазон

қосымша заттар: лактоза моногидраты, желатинденген крахмал*, сусыз коллоидты кремнийдің қостотығы, магний стеараты

* Жүгері крахмалынан дайындалған

Сыртқы түрінің, иісінің, дәмінің сипаттамасы

Дөңгелек пішінді, ақ немесе ақ дерлік түсті, шеттері қиғаш таблеткалар.

Шығарылу түрі және қаптамасы

10 таблеткадан ламинацияланған полиамид/алюминий/поливинилхлорид (OPA/Al/PVC) үлбір мен алюминий фольгадан жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

Дәріханалардан босатылу шарттары

Рецепт арқылы

Өндіруші туралы мәлімет

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Тіркеу куәлігінің ұстаушысы

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КРКА Қазақстан» ЖШС

Қазақстан Республикасы, 050059, Алматы қ., Әл-Фараби д-лы 19,

«Нұрлы Тау» БО, 1б корпусы, 207 кеңсе

тел.: + 7 (727) 311 08 09

факс: +7 (727) 311 08 12

info.kz@krka.biz

Дәріханалар

Тауар артығымен бар
Тауар аз қалды
Аптека № 32
г.Туркестан ул Б.Саттарханова 27 г
Круглосуточно
Аптека №290
Ул. Б. Саттарханов. Караван Сарай. Здание 25А.
09:00-23:00