Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Лидокаина гидрохлорид DF 10% для местного применения 38 г спрей

3101
Қолжетімділігі
Сатылымда бар
Үлгі
4870203070928
Елі
Казахстан
Өндіруші
Досфарм
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

Лидокаин-DF

Халықаралық патенттелмеген атауы

Лидокаин

Дәрілік түрі, дозасы

Сыртқа және жергілікті қолдануға арналған спрей, 10 %

Фармакотерапиялық тобы

Жүйке жүйесі. Анестетиктер. Жергілікті анестетиктер. Амидтер. Лидокаин

АТХ коды N01BВ02

Қолданылуы

Лидокаин-DF спрейі тері немесе шырышты қабықтардың анестезиясына қажет барлық жағдайларда қолданылады.

Стоматологиялық емшаралар және операциялар

- инъекциялық жергілікті анестетиктерді енгізер алдында инъекция орныныңанестезиясында

- беткейлік абсцестерді ашу операцияларында

- қозғалып тұрған сүт тістерді жұлу немесе сүйек фрагменттерін алып тастауда

- шырышты қабат жарақатынантігісті алуда

- бекітетін тіс қабыннемесе көпір тәрізді протезді орнатар алдында қызыл иек анестезиясында

- тіс тастарын қолмен немесе құралдармен алуда, үлкейіп кеткен тісаралық бүртікті алып (қырып) тастауда

- бедер түсіру алдында немесе рентген пленкасын (препараттытек бедер түсірудің иілгіш материалдарымен қолдану керек; егер бедер түсіру үшін гипс қолданылса аспирация қаупіне байланысты препаратты қолдануға болмайды) қою алдында жоғары жұту рефлексін азайту немесе бәсеңдету мақсатында

- балаларда френулотомияда және сілекей бездерінің кистасын ашуда

- шырышты қабаттардың беткейлік қатерсіз ісіктерін алып тастауда.

Оториноларингология

- электрокоагуляция, септэктомия және мұрын қуысы полиптерін алып тастар алдында мұрыннан қан кетуді емдеуде

- инъекция орнын жансыздандыру және жұту рефлексін бәсеңдету үшін

- перитонзиллярлы абсцесті ашу немесе жоғарғы жақ қойнауы пункциясының алдында қосымша анестезия ретінде

- мұрын қойнауларын шаю кезіндегі анестезия үшін.

Эндоскопия және аспаптық зерттеу әдістері

- мұрын немесе ауыз арқылы әртүрлі түтіктерді енгізер алдында (гастро-дуоденальді зонд немесе Сенгстакен зонды) жұтқыншақ анестезиясында

- трахеотомиялық түтікті алмастыру жағдайында.

Гинекология және акушерство

- эпизиотомия жасау үшін бұтаралық операцияларда

- тігістерді алып тастау

- қынап және жатыр мойнына операцияда айнала тіндердің анестезиясында

- қызперденің жыртылуын немесетігісабсцесін кесіп алып тастау және өңдеу үшін.

Дерматология

- кіші хирургиялық операциялар кезінде тері немесе шырышты қабықтардың анестезиясында.

Өтінім бергенге дейін қажет ақпарат тізімі

Қолдануға болмайтын жағдайлар

- лидокаинге немесепрепараттың кез келген басқа компонентіне жоғары сезімталдық;

- құйма дайындау үшін гипс қолданылған кезде аспирация қаупіне байланысты Лидокаин-DF спрейін қолдану қарсы болады.

Қолдануға қатысты сақтық шаралары

Спрейді қолданғанда құтыны тігінен ұстау керек.

Лидокаин-DF, спрейдің көзге және тыныс алу жолдарына түсуін (аспирация қаупі) болдырмау керек.Препаратты жұтқыншақтың артқы жағына бүркуаса сақтықты талап етеді. Препараттыэпилепсиямен науқастарда, сондай-ақбрадикардия, жүректе өткізгіштіктің бұзылуында, бауыр қызметінің бұзылуындажәне ауыр шокта, әсіресе тіндердің үлкенбөлігін жоғары дозамен өңдегенде препараттың айтарлықтай мөлшерінің сіңірілуін күткенде сақтықпен қолдану керек.

Лидокаиншырышты қабаттар (әсіресе трахеяда) және зақымданған тері арқылыжақсы сіңеді. Бұны әсіресе балаларда тіндердің үлкен бөлігін өңдегенде ескеру керек

Шырышты қабаттың бүтіндігі бұзылған жағдайда және/немесе жұқпаланған аймақтарға Лидокаинді қолданғанда сақтық шараларын сақтау керек.

Әлсіреген және егде жастағы пациенттерде, жедел ауруларда, сондай-ақ жасы мен жалпы жағдайын ескере отырып балалардатөмен дозаларды қолдану керек.

Лидокаин порфириногенді әсерге ие, сондықтан оны тек жеделпорфириямен пациенттерде жедел көрсетілімдері бойынша қолдануға болады. Лидокаин спрей эндотрахеальді түтіктің (ПВХ/ПВХ емес) пластмасса манжетіне түспеуі тиіс, өйткені лидокаин ұсақ саңылаулар түзе отырып, оны зақымдауы, бұл манжеттегі қысымның төмендеп кетуіне әкелуі мүмкін.

Препарат құрамында этанол бар. Препарат басқа дәрілік заттардың әсерін өзгертуі немесе күшейтуі мүмкін.

Препарат құрамында пропиленгликоль бар, ол шырышты қабықтың немесе терінің тітіркенуін туындатуы мүмкін.

Басқа дәрілік препараттармен өзара әрекеттесуі

1В типтегі аритмияға қарсы препараттарды (мысалы, токаинид) қолданатын пациенттерде Лидокаинді уытты әсерлерінің қосылып жинақталу қаупіне байланысты сақтықпен қолдану керек.

Арнайы ескертулер

Педиатрияда қолдану

Ұрттың шырышты қабығына жағу, әсіресе балалардадисфагия және одан кейінгі аспирация қаупімен қатар жүреді. Тіл мен ұрттың шырышты қабығының сезімталдығы бұзылғанда оларды тістеп алу қаупі артады.

Лидокаин шырышты қабық (әсіресе трахеяда) және зақымданған тері арқылы жақсы сіңеді. Мұны балаларда тіннің ауқымды жерлерін өңдегенде ерекше ескерген жөн.

Балаларда барынша төмен дозаларды – жасына және жалпы жағдайына сәйкес қолданған жөн.

2 жасқа дейінгі балаларда Лидокаин-DF, спрейді препаратқа малынған мақта тампонмен жағу ұсынылады.

Препараттыжұтқыншақ пен мұрын жұтқыншақ аймағындағы хирургиялық операцияларда қолданған жағдайда, Лидокаинкөмекей мен трахеяға жетіп, жұту рефлексін басады, жөтелрефлексін басады, ол өз кезегіндебронхопневмонияға әкелуі мүмкін.

Бұл әсіресе балаларда маңызды,өйткені оларда жиірек жұту рефлексін туындатады. Осыған байланыстыЛидокаин аэрозольді 8 жасқа дейінгі балаларда тонзиллэктомия мен аденотомия алдында жергіліктіанестезияда қолдану ұсынылмайды.

Жүктілік немесе лактация кезінде

Лидокаин-DF, спрейді ол ұсынылған дозада қолданғанда қауіп төндірмейтін болғандықтан жүктілік кезінде қолдануға болады.

Лидокаин емшек сүтімен бөлінеді, алайда әдеттегі емдік дозада қолданғанда оның емшек сүтімен бөлінетін мөлшері емшектегі балаға зиянын тигізу үшін өте аз болып табылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Өте сирек жағдайларда жергілікті анестетиктер дозаға байланысты жүйке жүйесі тарапынан жағымсыз әсерлерін туындатуы және сонысымен көлік құралдарын басқару және механизмдермен жұмыс істеу қабілетіне әсер етуі мүмкін.

Пайдалануға арналған ұсыныстар

Дозалау режимі

Жергілікті және сыртқа қолдануға арналған спрей. Препарат дозасы жансыздандырылатын беткейдің көрсетіліміне және өлшеміне байланысты. Клапанға бір басу 4,8мг лидокаиннің бөлінуімен жүреді. Уытты әсерлерін және сіңірілуін алдын алу үшін Лидокаин-DF қажетті жансыздандырумен қамтамасыз ететін ең төмен дозада қолдану керек. Әдетте клапанға1-3 басу жеткілікті, бірақ акушерстводаолардың саны15-20 жетуі мүмкін (70 кг дене салмағына ең көбі - 40 басу).

Әртүрлі қолдану саласындағы ұсынылған дозалары:

Қолдану саласы

Дозасы (клапанға басу саны)

Стоматология

1-3

Стоматологиялық хирургия

1-4

Оториноларингология

1-4

Эндоскопия

2-3

Акушерлік

15-20

Гинекология

4-5

Дерматология

1-3

Суланған дәке тампонмен препаратты үлкен беткейлерге қолдануға болады.

Балалар

Лидокаин-DF, спрейді балаларға дұрысы жағу әдісімен (дәке тампонымен) қолдануға болады, бұл препаратты бүріккен кезде қорқып қалудан, сондай-ақ педиатриядағы әдеттегі жағымсыз әсері күйдіріп алудан сақтайды. Осы әдіспен препаратты 2 жасқа дейінгі балалардақолдануға болады.

Артық дозаланғанда қабылдануы қажет шаралар

Симптомдары: «Жағымсыз әсерлері» бөлімінде сипатталған, жүрек-қантамыры және орталық жүйке жүйесі жағынан қызметтердің бұзылуы.

Емі: тыныс жолдарының өткізгіштігіне көз жеткізіңіз, қажет болғанда оксигенотерапия және/немесе өкпені жасанды желдетуді тағайындау керек. Бірлі-жарым түйілулерде барынша дереу 50-100мг сукцинилхолинді және/немесе 5-15 мг диазепамды енгізу керек. Сукцинилхолин тыныс алудың тоқтап қалуын туындатуы мүмкін болғандықтан, ол тек трахеяны интубациялау және тыныс алу бұлшықеттерінің салдануымен науқастарды емдеу тәжірибесі бар мамандармен ғана қолданылуы мүмкін.

Қысқа мерзімге әсер ететінбарбитур қышқылының туындысын (тиопентал-натрий) да қолдануға болады. Жүрек-қантамыры жүйесі жағынан (брадикардия, өткізгіштіктің бұзылуы) симптомдарды қайтару үшін атропин (0,5-1 мг вена ішіне) және симпатомиметиктер қолданылады. Жүрекше фибрилляциясында және жүрек тоқтап қалғанда реанимациялық емшаралар қажет болады.

Препаратты қалай қолдану керектігін түсіндіру үшін медициналық маманнан кеңес алуға кеңес беру

Препаратты қолдану әдісіне қатысты күмән туындаған жағдайда емдеуші дәрігермен кеңесіңіз.

Препаратты стандартты қолдану кезінде пайда болатын жағымсыз реакциялардың сипаттамасы және бұл жағдайда қолданылатын шаралар

Сирек:

- Лидокаинді жергілікті қолданғанкезде жергілікті жансыздандыру әсері дамуына қарай(1 минуттан кейін) қайтатын, орташа күйдіру және шаншу сезімі

- қайтымдыэритема, ісіну, препарат жаққан жердесезімталдықтың бұзылуы

Өте сирек:

- есекжем, ангионевроздық ісіну, бронх түйілуі, ал өте ауыр жағдайларда – шок (жоғары сезімталдықтың кез келген реакциясы дамыған жағдайда препаратты қолдануды дереу тоқтату керек).

Лидокаин спрейін қолданғаннан кейінжүйелі әсерінің жиілігі өте аз, өйткені қан ағымына түсуі мүмкінбелсенді препараттыңөте аз мөлшері қолданылады. Үлкен дозасы қолданылған жағдайда, сондай -ақтез сіңірілгенде, жоғары сезімталдықта,идиосинкразияда, препараттың көтерілімділігі нашар болғанда, өте сирек жағдайларда келесіжағымсыз әсерлер байқалуы мүмкін:

- орталық жүйке жүйесінің қозу немесе бәсеңдеу симптомдары (жүйке қозуы, бас айналуы, ұйқышылдық, түйілулер, естен тану және тыныс алудың салдануы)

- гипотензия, миокард функциясының бәсеңдеуі, брадикардия, жүректің тоқтап қалуы.

- бронх түйілуі, тыныс алу бұлшықеттерінің салдануы, тамақтың ауыруы, дауыстың қырылдауы.

Егер дәрілік заттардың жағымсыз реакциялары пайда болса, дәрі-дәрмектің тиімсіздігі туралы есептерді қоса, дәрі-дәрмектерге жағымсыз реакциялар (іс-әрекеттер) туралы ақпаратпен, медицина қызметкерімен немесе фармацевтика қызметкерімен байланысыңыз:

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша ақпарат

Дәрілік препараттың құрамы

Бір құтының ішінде:

белсенді зат — 3,8 г лидокаин (бір дозада 4,8 мг);

қосымша заттар: бұрыш жалбызы майы, пропиленгликоль, этанол (96%).

Сыртқы түрінің иісінің, дәмінің сипаттамасы

Этанол мен ментолға тән иісі бар мөлдір, түссіз немесе сарғыш реңді ерітінді

Шығарылу түрі және қаптамасы

38 г препараттан бүріккіш қақпағы және қорғаныш қақпағы бар қара шыны құтыларға. Әрбір құтыға заттаңба жапсырылады.

Бір құтыдан шашыратқыш саптамамен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

4 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 15оС-ден 25оС-ге дейін температурада сақтау керек.

Балалардың қолы жетпейтін жерде сақтау қажет!

Дәріханалардан босату шарттары

Рецепт арқылы

Өндіруші туралы мәліметтер

«DOSFARM» ЖШС, Қазақстан, 050034, Алматы қ., Чаплыгин к-сі, 3,

тел./факс: +7 (727) 253-03-88, электронды пошта: dosfarm@dosfarm.kz

Тіркеу куәлігінің ұстаушысы

«DOSFARM» ЖШС, Қазақстан, 050034, Алматы қ., Чаплыгин к-сі, 3,

тел./факс: +7 (727) 253-03-88, электронды пошта: dosfarm@dosfarm.kz

Тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты Қазақстан Республикасының аумағындағы ұйымның атауы, мекенжайы және байланыс деректері (телефон, факс, электрондық пошта)

«DOSFARM» ЖШС, Қазақстан, 050034, Алматы қ., Чаплыгин к-сі, 3,

тел./факс: +7 (727) 253-03-88, электронды пошта: dosfarm@dosfarm.kz

Дәріханалар

Тауар артығымен бар
Тауар аз қалды
Аптека №290
Ул. Б. Саттарханов. Караван Сарай. Здание 25А.
09:00-23:00
Аптека № 32
г.Туркестан ул Б.Саттарханова 27 г
Круглосуточно