Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Панангин 10 мл № 5 амп

Қолжетімділігі
Тауар қолда жоқ
Үлгі
5997001391518
Елі
Венгрия
Өндіруші
Гедеон Рихтер
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Панангин®

Саудалық атауы

Панангин®

Халықаралық патенттелмеген атауы

Жоқ

Дозалануы, дәрілік түрі

Инфузия үшін ерітінді дайындауға арналған концентрат, 10 мл

Фармакотерапиялық тобы

Ас қорыту жолы және зат алмасу. Минералды қоспалар. Басқа да минералды заттар.

АТХ коды А12СХ

Қолданылуы

- жүректің созылмалы ауруы кезінде қосымша емдеу үшін (жүрек жеткіліксіздігі кезінде, инфракттен кейінгі кезеңде)

- жүрек ырғағының бұзылуы, негізінен қарыншалық аритмия

- оймақгүл препараттарымен бірге

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- жедел және созылмалы бүйрек жеткіліксіздігі

- Аддисон ауруы

- ІІІ дәрежелі атрио-вентрикулярлы блокада, кардиогенді шок (АҚ < 90 мм с.б.)

- айқын гиперкалиемия

- препарат компоненттеріне жоғары сезімталдық.

Басқа дәрілік препараттармен өзара әрекеттесуі

Панангин® препаратын калий жинақтаушы диуретиктермен және/немесе АӨФ тежегіштерімен бір мезгілде қолданған кезде гиперкалиемияның даму қаупі жоғарылайды.

Арнайы ескертулер

Препаратты жылдам енгізу беттің гиперемиясын туындатуы мүмкін. Гиперкалиемиясы қатар жүретін ауруы бар науқастарға препаратты тағайындаған кезде сақ болу керек.Бұл санаттағы пациенттерге қан сарысуындағы электролиттер концентрациясын тұрақты зерттеу ұсынылады.

Жүктілік немесе лактация кезеңінде

Панангин® препаратын жүктілік пен лактация кезеңінде көрсетілімдер бойынша қабылдауға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану кезінде көлік құралдарын немесе басқа да қауіптілігі зор механизмдерді басқарғанда сақ болу қажет.

Қолдану жөніндегі нұсқаулар

Дозалау режимі

Препарат тек вена ішіне енгізуге арналған. Осы мақсат үшін 5 % глюкоза ерітіндісінде 1-2 ампула ішіндегісін қолданады және вена ішіне инфузия түрінде баяу, тамшылатып енгізеді. Қажет кезде дозаны 4-6 сағаттан кейінқайталауға болады. Емдеу ұзақтығын жеке анықтайды.

Препарат біріктірілген ем үшінжарамды.

Педиатрияда қолданылуы

Дәрілік заттың 18 жасқа дейінгі балалар мен жасөспірімдерге тиімділігі мен қауіпсіздігі жөнінде деректер жоқ.

Артық дозаланған жағдайда қолданылатын шаралар

Препаратты көп жыл қабылдағанда артық дозалану жағдайлары тіркелмеген.

Гиперкалиемия симптомдары: шаршағыштық, бұлшықет әлсіздігі, парестезия, сананың шатасуы, жүрек функциясының бұзылыстары (брадикардия, атриовентрикулярлық блокада, аритмия, жүректің тоқтап қалуы).

Гипермагниемия симптомдары: жүйке-бұлшықет қозғыштығының төмендеуі, жүрек айну, құсу, ұйқышылдық, АҚ төмендеуі. Қандағы магний иондары концентрациясының күрт жоғарылауында: терең сіңірлер рефлекстерінің бәсеңдеуі, тыныс алудың салдануы, кома.

Емі: препаратты тоқтату, симптоматикалық ем (кальций хлориді ерітіндісін вена ішіне минутына 100 мг дозада енгізу, қажет болған жағдайда - гемодиализ).

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

- препаратты жылдам енгізген кезде гиперкалиемия/гипермагниемия симптомдарының туындауы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде

белсенді заттар: 400,00 мг магний аспарагинаты

(499,80 мг магний аспарагинаты тетрагидраты түрінде)

452,00 мг калий аспарагинаты

(475,73 мг калий аспарагинаты гемигидраты түрінде),

қосымша заттар: калий гидроксиді, 10 % ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссіз немесе сәл жасылдау ерітінді.

Шығарылу түрі және қаптамасы

Сындыруға арналған нүктесі бар түссіз шыны ампуладағы препарат 10 мл-ден.

Пішінді ұяшықты пластик қаптамаға 5 ампуладан салынған.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

30 °C-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«Гедеон Рихтер» ААҚ,

1103 Будапешт, Дёмрёи к-сі, 19-21, Венгрия

Тіркеу куәлігінің ұстаушысы

«Гедеон Рихтер» ААҚ

Венгрия, Н-1103 Будапешт, Дёмрёи к-сі, 19-21

Tel: +361-431-4000, +361-431-4782, +361-431-4985

Fax:+361-431-5944

E-mail: racis@richter.hu

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың қауіпсіздігіне тіркеуден кейінгі бақылауға жауапты ұйымныңатауы, мекенжайы және байланыс деректері (телефон, факс, электронды пошта)

«Гедеон Рихтер» ААҚҚР өкілдігі, Алматы қ., Төле Би к-сі 187

E-mail: info@richter.kz; pv@richter.kz (фармакологиялық қадағалау)

Телефон: 8-(7272)-58-26-22, 8-(7272)-58-26-23, 8-701-787-47-01