Пренесса 8 мг № 30 табл

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Пренесса^®

Халықаралық патенттелмеген атауы

Периндоприл

Дәрілік түрі, дозасы

Таблеткалар, 2 мг, 4 мг, 8 мг

Фармакотерапиялық тобы

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин өзгертуші фермент (АӨФ) тежегіштері. Периндоприл

АТХ коды С09АА04

Қолданылуы

Артериялық гипертензия:

– артериялық гипертензияны емдеу

Жүрек жеткіліксіздігі:

• симптоматикалық жүрек жеткіліксіздігін емдеу

Жүректің тұрақты ишемиялық ауруы:

– анамнезінде миокард инфарктісі және/немесе реваскуляризациясы бар пациенттерде жүрек-қантамыр асқынулары қаупінің төмендеуі

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

Пренесса^® препаратын қабылдамаңыз:

– егер сізде периндоприлге немесе осы дәрінің басқа ингредиенттерінің қандай да біріне немесе кез келген басқа АӨФ тежегішіне аллергия болса;

– егер сізде осының алдында АӨФ тежегішімен емделу кезінде сырылдар, бет, тіл немесе тамақтың ісінуі, қатты қышыну немесе терінің қатты бөртуі сияқты симптомдар болса немесе егер сізде немесе сіздің отбасыңыздың мүшесінде осы симптомдар кез келген басқа жағдайларда болса (жай-күй ангионевроздық ісіну деп аталады);

– егер сіз 3 айдан артық жүкті болып жүрсеңіз; сондай-ақ жүктіліктің ерте мерзімдерінде Пренесса^® препаратын қабылдамаған дұрыс («Жүктілік немесе лактация кезінде» бөлімін қараңыз);

– егер сізде диабет немесе бүйрек функциясының бұзылуы болса және сіз артериялық қысымды төмендетуге арналған препаратпен емделіп жүрсеңіз;

– ангионевроздық ісінудің (көмей аумағындағы жұмсақ тіндердің тез дамитын ісінуі) жоғары даму қаупімен байланысты бейтарап эндопептидаза тежегіштерімен (мысалы, құрамында сакубитрил бар препараттармен) бір мезгілде қолдану

Егер жоғарыда атап көрсетілгендердің қандай да бірі сізге қатысты болса, өз дәрігеріңізге қаралыңыз.

Қолдану кезіндегі қажетті сақтандыру шаралары

Бұл дәрі тек ересектерге арналған.

Емдеуді бастар алдында, егер сізде келесі аурулар мен жай-күйлердің қандай да бірі бар болса, дәрігерге хабарлаңыз:

• қолқа стенозы (жүректен шығатын бас қан тамырының тарылуы) немесе гипертрофиялық кардиомиопатия (жүрек бұлшықетінің ауруы) немесе бүйрек артериясының стенозы (бүйректі қанмен қамтитын артерияның тарылуы),
• жүрек кінәраттары,
• бауыр кінәраттары,

• бүйрек кінәраттары немесе егер сіз диализ алып жүрсеңіз,
• егер сізде қандағы альдостерон гормонының деңгейі жоғары болса (бастапқы альдостеронизм),
• коллагенді жүрек аурулары,жүйелі қызыл жегі немесе склеродермия сияқты,
• қант диабеті,
• гипотензия,
• егер сіз тұз мөлшері шектелетін диета ұстанып жүрсеңіз немесе құрамында калий бар тұз алмастырғыштарын пайдаланып жүрсеңіз,
• егер сізге анестезия және / немесе операциялық араласу жасалатын болса,
• егер сізге гемодиализ емшарасынан немесе басқа қан тазалау емшарасынан өтуге тура келсе (тығыздығы төмен липопротеиндер аферезі),
• егер сізге аралардың немесе соналардың шағып алуына аллергия зардаптарын азайту үшін десенсибилизация курсынан өтуге тура келсе,
• егер сізде таяуда диарея немесе құсу болса немесе сусызданған болсаңыз,
• егер сіз жоғары артериялық қысымды емдеуге пайдаланылатын келесі дәрілердің кез келгенін қабылдап жүрсеңіз:

• ангиотензин II рецепторларының блокаторы (АРБ) (сондай-ақ, сартандар ретінде белгілі дәрілер - мысалы, валсартан, телмисартан, ирбесартан), әсіресе, егер сізде диабетпен байланысты бүйрек кінәраттары болса,
• алискирен.

Сіздің дәрігеріңіз сіздегі бүйрек функциясын, артерия қысымын және сіздің қаныңыздағы электролиттер мөлшерін (мысалы, калий) тексере алады.

«Қолдануға болмайтын жағдайлар» тақырыбындағы ақпаратты да қараңыз.

• егер сіз қара нәсілді болсаңыз, онда сізде ангионевроздық ісінудің даму қаупі өте жоғары болуы мүмкін, ал бұл дәрінің қалған пациенттерге қарағанда артериялық қысымды төмендету тиімділігі аз болуы мүмкін,
• егер сіз келесі дәрілердің біреуін қабылдап жүрсеңіз, ангионевроздық ісінудің даму қаупі (көмей аумағындағы жұмсақ тіндердің тез дамитын ісінуі) артады:

• рацекадотрил (диареяны емдеуге пайдаланылады),
• сиролимус, эверолимус, темсиролимус және mTor тежегіштері класына жататын басқа дәрілік заттар (ағза трансплантатының қабылданбай ажырауын болдырмау үшін және қатерлі жаңа түзілімдерді емдеу кезінде пайдаланылады),
• вилдаглиптин, диабетті емдеуге пайдаланылатын дәрі.

Aнгионевроздық ісіну

Ангионевроздық ісіну (бет, ерін, тілдің ісінуімен немесе жұтынудың әлде тыныс алудың қиындауымен болатын тамақтың ісінуімен ауыр аллергиялық реакция), Пренесса^® препаратын қоса, АӨФ тежегіштерін қабылдаған пациенттерде білінеді. Бұл емдеу кезінде кез келген уақытта болуы мүмкін. Егер сізде осындай симптомдар пайда болса, сізге Пренесса^® препаратын қабылдауды тоқтату және дереу дәрігерге қаралу керек. «Жағымсыз реакциялар сипаттамасы» бөлімін де қараңыз.

Егер сіз өзіңізді жүкті деп жорамалдасаңыз (немесе жүкті болуыңыз мүмкін болса) өз дәрігеріңізге хабарлауға тиіссіз. Пренесса^® препараты жүктіліктің ерте мерзімдерінде ұсынылмайды және егер сіз 3 айдан аса жүкті болып жүрсеңіз, қабылданбауы тиіс, өйткені осы сатыда пайдаланылса, сіздің сәбиіңізге күрделі зиян тигізуі мүмкін («Жүктілік немесе лактация кезінде» бөлімін қараңыз).

Осы дәріні пайдаланғанда құрғақ жөтел туындауы мүмкін. Егер бұл орын алса, дәрігермен сөйлесіңіз.

Егер сізге гемодиализ емшарасы немесе басқа қан тазалау емшарасы (тығыздығы төмен липопротеиндер аферезі) жасалатын немесе сонаның немесе араның уына аса жоғары сезімталдықты емдеу (десенсибилизация) жүргізілетін болса, өзіңіздің осы дәріні қабылдап жүргеніңізді дәрігеріңізге хабарлаңыз, өйткені аса жоғары сезімталдықтың жағымсыз реакцияларының қаупі жоғары болуы мүмкін.

Препаратты қабылдау кезінде, әсіресе, бүйрек және / немесе жүрек жеткіліксіздігі бар пациенттерде қандағы калий деңгейі артуы (гиперкалиемия) мүмкін.

Eгер сізде операция жоспарланса, жалпы анестезия кезінде гипотонияның жоғары қаупімен байланысты емдеуші дәрігерді өзіңіздің осы дәріні қабылдап жүргеніңізден хабардар ету керек.

Басқа дәрілікпрепараттармен өзара әрекеттесуі

Егер сіз басқа дәрілік заттардың қандай да бірін қабылдап жүрсеңіз, таяуда қабылдасаңыз немесе қабылдауды жоспарлап жүрсеңіз, өз дәрігеріңізге хабарлаңыз.

Басқа дәрілік препараттарды қабылдау Пренесса^® препаратының көмегімен емдеуге әсер етуі мүмкін. Егер сіз мына препараттарды қабылдап жүрсеңіз, сіздің дәрігеріңізге дозасын өзгерту және / немесе басқа сақтандыру шараларын қабылдау керек болуы мүмкін:

• жоғары артериялық қысымды төмендетуге арналған басқа препараттар, ангиотензин II рецепторларының блокаторларын (АРБ), алискиренді (сондай-ақ «Қолдануға болмайтын жағдайлар» және«Қолдану кезіндегі қажетті сақтандыру шаралары» тақырыптарында ақпаратты қараңыз) немесе диуретиктерді (несеп мөлшерін көбейтетін дәрілік заттар) қоса,
• диабетті емдеу үшін пайдаланылатын дәрілік препараттар (инсулин, метформин немесе глиптиндер сияқты),
• калий жинақтаушы диуретиктер (мысалы, триамтерен, амилорид), калий қоспалары, құрамында калий бар тұз алмастырғыштар және сіздің қаныңызда калий мөлшерін көбейтуі мүмкін басқа дәрілер (мысалы, триметоприм және котримоксазол, сондай-ақ бактериялар туғызатын инфекциялық ауруларды емдеуге қолданылатын триметоприм / сульфаметоксазол; циклоспорин, ағза трансплантатының қабылданбай ажырауын болдырмауға пайдаланылатын иммунодепрессант және гепарин, тромбтар түзілуін болдырмау үшін қан сұйылтатын препарат),
• жүрек жеткіліксіздігін емдеуге пайдаланылатын калий жинақтаушы дәрілік заттар: эплеренон және спиронолактон күніне 12,5-тен 50 мг дейінгі дозаларда,
• маникальді синдромды немесе депрессияны емдеуге арналған литий препараттары,
• буындардың ауыруында қолданылатын дәрілік заттар (қабынуға қарсы стероидты емес препараттар (мысалы, ибупрофен), ацетилсалицил қышқылының жоғары дозаларын қоса),
• баклофен (жайылған склероз сияқты аурулар кезіндегі бұлшықеттер аурулары кезінде бұлшықеттердің сіресуін емдеуге пайдаланылады),
• депрессия, үрей, шизофрения сияқты психикалық бұзылыстарды емдеуге пайдаланылатын препараттар және т.б. (мысалы, трициклды антидепрессанттар, психозға қарсы дәрілер) және анестетиктер,
• аутоиммундық бұзылыстарды емдеуге пайдаланылатын немесе трансплантацияден кейін (мысалы, циклоспорин, такролимус) пайдаланылатын иммунодепрессанттар (организмнің иммуннологиялық реакцияларын бәсеңдететін дәрілер),
• триметоприм (инфекциялық ауруларды емдеуге қолданылады),
• эстрамустин (қатерлі жаңа түзілімдер емінде қолданылады),
• диареяны емдеу (рацекадотрил) немесе ауыстырып салған ағзалардың қабылданбай ажырауын болдырмау үшін (сиролимус, эверолимус, темсиролимус және mTor тежегіштері деп аталатын класқа жататын басқа дәрілер) бәрінен жиірек пайдаланылатын дәрілер. «Қолдану кезіндегі қажетті сақтандыру шаралары» бөлімін қараңыз),
• аллопуринол (подаграны емдеу үшін),
• қан тамырларын кеңейтетін дәрілік препараттар(вазодилататорлар, оның ішінде нитраттар)
• прокаинамид (жүректің жүйесіз соғуын емдеу үшін),
• жөтел мен суық тиюді емдейтін кейбір дәрілер құрамында болатын заттар (симпатомиметиктер) немесе төмен артериялық қысым, шок, жүрек жеткіліксіздігі, демікпе немесе аллергия сияқты жай-күйлерді емдеу үшін қолданылатын норадреналин мен адреналин,
• артритті емдеуге қолданылатын алтын препараттары (натрий ауротиомалаты)
• ангионевроздық ісінудің жоғары даму қаупіне байланысты диареяны емдеуге қолданылатын рацекадотрил
• альтеплаза, ангионевроздық ісінудің жоғары даму қаупіне байланысты инсульт немесе миокард инфарктісін алған пациенттерде пайдаланылатын дәрі

Рецептісіз дәрілерді дәрігермен кеңесіп алмай қабылдамаңыз. Негізінен, бұл суық тиюге арналған, ауыруды басатын дәрілерге, тұз алмастырғыштарына немесе құрамында калий бар препараттарға қатысты.

Арнайы сақтандырулар

Қосымша заттар туралы ақпарат

Пренесса^®құрамында лактоза бар.

Егер сізге өзіңіздің дәрігеріңіз сізде кейбір қанттарға жақпаушылық барын айтса, дәрілік препаратты қабылдамас бұрын дәрігерге қаралыңыз.

Педиатрияда қолдану

Периндоприлді балалар мен 18 жасқа дейінгі жасөспірімдерде қолдану ұсынылмайды.

Жүктілік немесе лактация кезінде

Жүктілік

Егер сіз өзіңізді жүкті деп жорамалдасаңыз немесе жүкті болуды жоспарлап жүрсеңіз, өз дәрігеріңізге хабарлауға тиіссіз. Сіздің дәрігеріңіз сіз жүкті болатын уақытқа дейін немесе сіз жүкті екеніңізді білген бойда Пренесса^® препаратын қабылдауды тоқтатуға кеңес беріп, әрі Пренесса^® препаратының орнына басқа препаратты тағайындауы тиіс. Пренесса^® жүктіліктің ерте мерзімдерінде ұсынылмайды және 3 айдан асатын жүктілік кезінде қабылданбауы тиіс, өйткені ол жүктіліктің үшінші айынан кейін қолданғанда сіздің сәбиіңізге күрделі зиян тигізуі мүмкін.

Лактация кезеңі

Егер сіз бала емізіп жүрсеңіз немесе бала емізуді бастағыңыз келсе, өз дәрігеріңізге хабарлаңыз. Пренесса^® бала емізетін әйелдерге ұсынылмайды, ал сіздің дәрігеріңіз, егер сіз бала емізуді жоспарлап жүрсеңіз, әсіресе, егер сіздің сәбиіңіз жаңа туған немесе мерзімінен бұрын туылған болса, сіз үшін басқа емдеу әдісін таңдай алады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Кейде көлік құралын немесе аса қауіпті механизмдерді басқару қабілетін бұзатын гипотензия және бас айналу туындауы мүмкін.

Қолдану жөніндегі нұсқаулар

Дозалау режимі

Осы дәріні үнемі сізге дәл өз дәрігеріңіз ұсынған үлгіде қабылдаңыз. Сұрақтар туындағанда емдеуші дәрігермен кеңесіңіз.

Гипертензияны емдеуге арналған әдеттегі доза күніне бір рет 4 мг құрайды.

Бұл дозаны тәулігіне бір рет 8 мг периндоприлге дейін арттыруға болады.

Егер сіз 65 жаста және одан асып кеткен болсаңыз, әдеттегі бастапқы доза күніне бір рет 2 мг құрайды. Бір айдан соң оны күніне бір рет 4 мг дейін, ал артынан, қажет болса, күніне бір рет 8 мг дейін арттыруға болады.

Жүрек жеткіліксіздігін емдеуге арналған әдеттегі доза күніне бір рет 2 мг құрайды. Бұл дозаны күніне бір рет 4 мг периндоприлге дейін арттыруға болады.

Кардиологиялық асқынулардың даму қаупін азайтуға арналған әдеттегі бастапқы доза күніне бір рет 4 мг құрайды. Екі аптадан соң дозаны күніне бір рет 8 мг дейін арттыруға болады, бұл осы көрсетілімде ең жоғары ұсынылатын доза болып табылады.

Егер сіз 65 жаста және одан асып кеткен болсаңыз, әдеттегі бастапқы доза күніне бір рет 2 мг құрайды. Бір аптадан соң оны күніне бір рет 4 мг дейін, ал тағы бір аптадан соң күніне бір рет 8 мг дейін арттыруға болады.

Емдеу курсы бойына сіздің дәрігеріңіз дозаны емдеу әсеріне және сіздің жай-күйіңізге сәйкес түзетеді.

Бүйрек функциясының бұзылуы бар пациенттерге, реноваскулярлы гипертензиясы бар пациенттерге, гемодиализде жүрген пациенттерге, бұрын диуретиктік ем қабылдаған пациенттерге және егде жастағы пациенттерге арналған препарат дозасын емдеуші дәрігер белгілеуі тиіс.

Енгізу әдісі және жолы

Таблетканы таңертеңгілік тамақтану алдында жеткілікті сұйықтық мөлшерімен қабылдау керек.

Емдеу ұзақтығы

Емдеу ұзақтығын дәрігер әркімге жеке белгілеуі тиіс.

Егер сізде Пренесса^® препаратының тым күшті немесе тым әлсіз сияқты әсер болса, өз дәрігеріңізбен сөйлесіңіз.

Артық дозалану жағдайында қабылдау қажет болатын шаралар

Егер сіз препараттың ұсынылғанынан жоғарырақ дозасын қабылдап қойсаңыз, дереу дәрігерге хабарлаңыз.

Артық дозалану кезіндегі ең ықтималды әсері артериялық қысымның күрт төмендеуі (гипотензия) болып табылады. Егер артериялық қысым едәуір төмендеп кетсе, басты төмендетіп және аяқты көтеріп жатуға кеңес беріледі.

Дәрілік препараттың бір немесе бірнеше дозасын қабылдау кезіндегі қажетті шаралар

Ұмытып кеткен доза орнын толтыру үшін екі есе дозасын қабылдамаңыз.

Дәріні күніне бір рет, шамамен күн сайын белгілі бір уақытта қабылдаңыз.

Тоқтату симптомдары қаупінің болуына көрсетілім

Препарат қабылдауды тоқтатқанда артериялық қысым көтерілуі мүмкін, бұл әсіресе, жүрек, ми және бүйрек тарапынан асқынулардың даму қаупін арттыруы мүмкін. Жүрек жеткіліксіздігі бар пациенттердің жай-күйі оларға стационарлық емдеу қажет болатын дәрежеге дейін нашарлауы мүмкін.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Егер сіз қандай да бір жағымсыз әсерлерді анықтасаңыз, өз дәрігеріңізбен сөйлесіңіз. Бұл осы кітапшада атап көрсетілмеген кез келген болуы мүмкін жағымсыз әсерлерді қосуға көмектеседі.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Егер сізде төменде аталған құбылыстардың кез келгені байқалса, дәрілік затты қабылдауды дереу тоқтатыңыз және бұл жөнінде өз дәрігеріңізге дереу хабарлаңыз:

• бет, ерін, тіл немесе тамақтың ісінуі, тыныстың тарылуы,
• қатты бас айналу немесе естен тану,
• жүректің жиі немесе жүйесіз соғуы немесе кеуденің ауыруы,
• іштің қатты ауыруы.

Жиі (10 адамның 1-де болуы мүмкін)

• бас ауыру, бас айналу, вертиго, шаншу сезімі (парестезия),
• көру қабілетінің бұзылуы,
• құлақтың шыңылдауы (тиннитус),
• артериялық қысымның төмендеуіне байланысты бас айналу,
• жөтел, ентігу (диспно́э),
• жүрек айну, құсу, іштің ауыруы, дәм сезудің өзгеруі, ас қорыту бұзылысы (диспепсия), диарея, іш қату,
• бөртпе, қышыну,
• бұлшықеттердің түйілуі,
• әлсіздік сезімі (астения).

Жиі емес (100 адамның 1-де болуы мүмкін)

• көңіл-күйдің құбылуы және ұйқының бұзылуы,
• ауа жетпеуін сезіну, сырылдар және ентігу (бронх түйілуі),
• ауыздың құрғауы,
• сырылдар, бет, ерін немесе тамақтың ісінуі сияқты симптомдар, қатты қышыну немесе тері бөртпесі (ангионевроздық ісіну),
• бүйрек функциясының бұзылуы,
• эозинофильдер санының артуы,
• ұйқышылдық, естен тану,
• жүректің соғуын сезіну, тахикардия,
• васкулит (қан капиллярларының қабынуы),
• фотосезімталдық реакциялары (терінің күнге жоғары сезімталдығы),
• артралгия (буындардың ауыруы), миалгия (бұлшықеттердің ауыруы),
• кеуденің ауыруы, дімкәстану, шеткері ісінулер, қызба,
• зертханалық көрсеткіштердің өзгеруі: қандағы калий деңгейінің қайтымды жоғарылауы, натрий мөлшерінің төмендеуі, қант диабеті бар пациенттердегі гипогликемия (қандағы қанттың төмен деңгейі), қандағы мочевина мен креатинин деңгейінің жоғарылауы,
• әлсіздік

Сирек (1000 адамның 1-де болуы мүмкін)

• зертханалық көрсеткіштердің өзгеруі: бауыр ферменттері белсенділігінің жоғарылауы және қандағы билирубин деңгейінің жоғарылауы,
• псориаз өршуі.

Өте сирек (10000 адамның 1-де болуы мүмкін)

• сананың шатасуы,
• жүрек ырғағының бұзылуы, кеуденің ауыруы (стенокардия),
• жүрек ұстамасы немесе инсульт (төмен артериялық қысыммен байланысты),
• мұрынның бітеліп қалуы немесе тұмаурату (ринит), пневмонияның сирек типі (эозинофильді пневмония),
• ұйқы безінің қабынуы (панкреатит)
• бауырдың қабынуы (гепатит),
• бүйрек функциясының кенет төмендеуі (бүйректің жедел жеткіліксіздігі),
• лейкоциттер мен эритроциттер санының азаюы, гемоглобиннің төмендеуі, қандағы тромбоциттер мөлшерінің азаюы сияқты қан көрсеткіштерінің өзгерістері, ұйқы безінің қабынуы (бұл іштің және арқаның қатты ауыруымен қатар жүреді).

Айрықша сирек/ Бірлі-жарым жағдайларда және т.б.

• ерлердегі сексуалдық бұзылыстар (импотенция),
• Рейно феномені

Концентрацияланған несеп (күңгірт түсті), жүрек айну сезімі, жүрек айну, бұлшықеттердің түйілуі, сананың шатасуы және АДГ (диурезге қарсы гормон) секрециясының талапқа сай болмауынан туындауы мүмкін ұстамалар. Егер сізде осы симптомдардың қандай да бірі болса, дереу дәрігерге қаралыңыз.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарлау керек

«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – 2 мг, 4 мг немесе 8 мг периндоприл терт-бутиламині

қосымша заттар: кальций хлориді гексагидраты, лактоза моногидраты, кросповидон, микрокристалды целлюлоза, сусыз коллоидты кремнийдің қостотығы, магний стеараты

Cыртқы түрінің, иісінің, дәмінің сипаттамасы

Дөңгелек пішінді, екі жақ беті сәл дөңес, ойығы бар ақ немесе ақ дерлік түсті таблеткалар (2 мг доза үшін).

Сопақша пішінді, екі жақ беті сәл дөңес, бір жағында сызығы және ойығы бар ақ немесе ақ дерлік түсті таблеткалар (4 мг доза үшін).

Дөңгелек пішінді, екі жақ беті сәл дөңес, бір жағында сызығы және ойығы бар ақ немесе ақ дерлік түсті таблеткалар (8 мг доза үшін).

Шығарылу түрі және қаптамасы

Ламинацияланған полиамидті/алюминий/поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.

Пішінді ұяшықты 3 қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында, 30 °С-ден аспайтын температурада, ылғалдан қорғалған жерде сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

­Өндіруші туралы мәліметтер

KРKA, д.д., Ново место

Шмарьешка цеста 6, 8501 Ново место, Словения

Тіркеу куәлігінің ұстаушысы

КРКА, д.д., Ново место

Шмарьешка цеста 6, 8501 Ново место, Словения

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта)

«KРKA Қазақстан» ЖШС, ҚР, 050059, Алматы қ., әл-Фараби д-лы 19, 1 б корпус, 2-ші қабат, 207 кеңсе

тел.: +7 (727) 311 08 09

факс: +7 (727) 311 08 12

info.kz@krka.biz

Қалалар