Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Спирива® Респимат®
Халықаралық патенттелмеген атауы
Тиотропий бромиді
Дәрілік түрі, дозасы
Ингаляцияға арналған ерітінді Респимат® ингаляторымен жиынтықта,
2.5 мкг/ингаляция
Фармакотерапиялық тобы
Респираторлық жүйе. Жоғарғы тыныс жолдарының обструкциялық ауруларын емдеуге арналған препараттар. Тыныс жолдарының обструкциялық ауруларын емдеуге арналған басқа ингаляциялық препараттар. Холиноблокаторлар.
Тиотропий бромиді
АТХ коды R03ВВ04
Қолданылуы
ӨСОА
СПИРИВА РЕСПИМАТ өкпенің созылмалы обструкциялық ауруы (ӨСОА) бар пациенттерде демеуші бронхолизистік ем ретінде көрсетілген.
Демікпе
СПИРИВА РЕСПИМАТ ауыр демікпесі бар алдындағы жылы демікпенің бір немесе бірнеше ауыр өршуін өткерген 6 жастағы және одан үлкен пациенттерде бронходилататорлармен қосымша демеуші ем ретінде көрсетілген.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
СПИРИВА РЕСПИМАТ препаратын қолдану алдында дәрігермен немесе фармацевтпен ақылдасыңыз.
Егер сізде жабық бұрышты глаукома болса, қуық асты безі немесе несеп шығару мәселелері бар болса, оны дәрігерге айтыңыз.
Егер сізде бүйрек проблемалары бар болса, дәрігеріңізден кеңес алыңыз.
СПИРИВА РЕСПИМАТ препаратын пайдаланған кезде спрей көзге тимейтініндей етіп қадағалаңыз. Бұл көз ауыруына немесе жайсыздығына, көрудің бұлыңғырлануына, көз қызаруымен бірге жүретін отты жарқыл немесе түрлі түсті бейнелердің қоршауы (яғни тар бұрышты глаукома) көрінуіне әкелуі мүмкін. Көз ауруының симптомдары бас ауруы, жүрек айнуы немесе құсумен бірге жүруі мүмкін. Көзді жылы сумен жуыңыз, тиотропий бромидін пайдалануды тоқтатыңыз және одан әрі кеңестер алу үшін дереу дәрігерге хабарласыңыз. Егер тыныс алу нашарласа немесе ингаляторды қолданғаннан кейін бірден бөртпе, ісіну немесе қышыну пайда болса, оны пайдалануды тоқтатыңыз және дереу дәрігерге хабарлаңыз. Антихолинергиялық препараттармен емдеуде байқалған ауыздың құрғауы ұзақ мерзімді перспективада тіс жегісімен байланысты болуы мүмкін. Сондықтан ауыз қуысының гигиенасына назар аударуды ұмытпаңыз.
СПИРИВА РЕСПИМАТ препараты сіздегі өкпенің созылмалы обструктивті ауруын немесе демікпені емдеуге қолдау үшін көрсетілген.
Бұл дәріні тұншығу немесе сырылдың кенеттен ұстамасын емдеу үшін пайдаланбаңыз. Ол үшін сіздің дәрігер сізге басқа ингалятор ("құтқару дәрісі") беруге тиіс еді. Дәрігер берген нұсқауларды орындаңыз.
Егер сізге демікпені емдеуге арналған СПИРИВА РЕСПИМАТ препаратын емге жазып берсе, оны ингаляциялық кортикостероидтар мен ұзақ әсер ететін бета2-агонистерді қамтитын емдеуге қосу керек. Егер сіз жақсы сезінсеңіз де, дәрігер ұйғарған сияқты ингаляциялық кортикостероидтарды қабылдауды жалғастырыңыз. Егер соңғы 6 ай ішінде сізде миокард инфарктісі немесе кез келген тұрақсыз немесе өмірге қауіп төндіретін тұрақты емес жүрек соғуының эпизоды немесе өткен жыл ішінде ауыр жүрек жеткіліксіздігі болса, өтініш -бұл туралы дәрігерге хабарлаңыз. СПИРИВА РЕСПИМАТ препараты сіз үшін қолайлы дәрілік препарат екенін шешу маңызды.
СПИРИВА РЕСПИМАТТЫ тәулігіне бір реттен жиі қабылдамаңыз.
Сондай-ақ, сіз тыныс алу нашарлауын сезінсеңіз, дәрігерге қаралу керек.
Егер сізде муковисцидоз болса, бұл туралы дәрігерге хабарлаңыз, себебі СПИРИВА РЕСПИМАТ препараты осы аурудың өту симптомдарын нашарлатуы мүмкін.
Балалар мен жасөспірімдер
СПИРИВА РЕСПИМАТ препараты 6 жасқа дейінгі балаларға ұсынылмайды.
Басқа дәрілік препараттармен өзара әрекеттесуі
Егер сіз қабылдасаңыз/пайдалансаңыз, жақында қабылдасаңыз/пайдалансаңыз немесе кез келген басқа дәрі-дәрмектерді, соның ішінде рецептісіз алынған дәрі-дәрмектерді қабылдау/пайдалану мүмкіндігін дәрігерге немесе фармацевтке хабарлаңыз. Атап айтқанда, егер сіз антихолинергиялық препараттарды, мысалы, ипратропий немесе окситропий пайдаланып жүрсеңіз/бұрын пайдалансаңыз, дәрігерге немесе фармацевтке хабарлаңыз.
СПИРИВА РЕСПИМАТ препаратының және ӨСОА немесе демікпені емдеуде қолданылатын ингаляторлар (мысалы, сальбутамол), метилксантиндер (мысалы, теофиллин), антигистаминді препараттар, муколитиктер (мысалы, амброксол), лейкотриенді рецепторлар антагонистері (мысалы, монтелукаст), жуан жасушалардың тұрақтандырғыштары, анти-IgE емі (мысалы, омализумабпен) және / немесе ингаляциялық немесе пероральді стероидтар (мысалы, будесонид, преднизолон) сияқты басқа препараттардың өзара әрекеттесулері нәтижесіндегі жағымсыз әсерлері туралы хабарланбаған.
Арнайы ескертулер
Жүктілік және/немесе лактация кезінде
Егер сіз жүкті болсаңыз немесе бала емізсеңіз, жүктімін деген ойда болсаңыз немесе жүкті болуды жоспарласаңыз, осы дәрілік препаратты қолданар алдында дәрігермен кеңесіңіз.
Дәрігер ұсынған жоқ болса, Сіз бұл дәріні пайдаланбауыңыз керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
СПИРИВА РЕСПИМАТ препаратының көлік құралдары мен механизмдерді басқару қабілетіне әсері туралы зерттеулер жүргізілген жоқ. Бас айналу немесе көрудің анық болмауы қызметтің осы түрлеріне әсер етуі мүмкін
СПИРИВА РЕСПИМАТЫ құрамында бензалконий хлориді бар
Препарат құрамында бір ингаляцияға 0,0011 мг бензалконий хлориді бар.
Бензалконий хлориді, әсіресе сізде демікпе болса сырылдардың пайда болуын және тыныс алудың қиындауын (бронх түйілуін) тудыруы мүмкін.
Қолдану жөніндегі нұсқаулар
Дозалау режимі
Сіз емдеуші дәрігеріңіздің немесе фармацевт ұсыныстарын орындай отырып, бұл препаратты әрдайым қабылдаңыз. Күмән туындаған кезде дәрігермен немесе фармацевтпен кеңесіңіз.
6 және одан жоғары жастағы пациенттер үшін ұсынылған доза:
СПИРИВА РЕСПИМАТ препараты 24 сағат бойы тиімді, сондықтан сізге тәулігіне бір рет, дұрысы белгілі бір уақытта СПИРИВА РЕСПИМАТ препаратын пайдалану жеткілікті. Әрбір пайдалану 2 ингаляцияны қамтиды.
ӨСОА мен демікпе ұзақ ағымды аурулар болғандықтан, тыныс алу мәселелерімен ғана емес, күн сайын СПИРИВА РЕСПИМАТ препаратын пайдаланыңыз. Ұсынылған дозадан артық пайдаланбаңыз.
СПИРИВА РЕСПИМАТ препаратының қауіпсіздігі және тиімділігі туралы деректердің болмауына байланысты 6 жасқа толмаған балаларда пайдалануға ұсынылмайды.
Сіз СПИРИВА РЕСПИМАТ ингаляторын нұсқаулыққа сәйкес дұрыс пайдалануды білетініңізге көз жеткізіңіз
СПИРИВА РЕСПИМАТ ингаляторын қолдану жөніндегі нұсқаулықтар
Енгізу әдісі және жолы
СПИРИВА РЕСПИМАТ препараты тек ингаляцияға арналған және тек ингалятор РЕСПИМАТ арқылы қолданылады.
Қабылдау уақыты көрсетілген қолдану жиілігі
Тәуліктің белгілі бір уақытында тәулігіне бір рет.
Артық дозаланған жағдайда қолдану қажет шаралар
Егер сіз бір тәулік ішінде СПИРИВА РЕСПИМАТ препаратын 2 ингаляциядан артық жасасаңыз, бұл туралы дереу дәрігерге хабарлаңыз. Сіз ауыздың құрғауы, іш қату, несеп шығару қиындықтары, жүректің соғуының жиілеуі немесе көрудің бұлыңғырлануы сияқты жағымсыз әсерлердің жоғары қаупіне ұшырауыңыз мүмкін.
Дәрілік препараттың бір немесе бірнеше дозасын жіберіп алғанда қажетті шаралар
Егер сіз препараттың дозасын қабылдауды ұмытып кетсеңіз (ТӘУЛІГІНЕ БІР РЕТ 2 ИНГАЛЯЦИЯ), оны еске түсіргеннен кейін бірден қабылдаңыз, бірақ бір мезгілде немесе бір күні екі дозаны қабылдамаңыз. Келесі дозаны әдеттегі уақытында қабылдаңыз.
Тоқтату симптомдары қаупінің бар екендігі туралы нұсқау
СПИРИВА РЕСПИМАТ препаратын пайдалануды тоқтатар алдында дәрігерге немесе фармацевтке хабарласыңыз. Егер сіз СПИРИВА РЕСПИМАТ препаратын пайдалануды тоқтатсаңыз, ӨСОА және демікпе симптомдары нашарлауы мүмкін
Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар
Осы препаратты қолдану бойынша қандай да бір қосымша сұрақтар туындаған жағдайда Сіз емдеуші дәрігерге немесе фармацевтке хабарласыңыз. Препаратты дұрыс қолдануды қамтамасыз ету үшін дәрігер немесе басқа медицина қызметкері пациентке ингаляторды қалай дұрыс пайдалану керектігін көрсетуі тиіс.
СПИРИВА РЕСПИМАТ ингаляторын қолдану жөніндегі нұсқаулықтар
Кіріспе
СПИРИВА РЕСПИМАТ ингаляторын қолдану жөніндегі нұсқаулықты оқыңыз.
Балаларға СПИРИВА РЕСПИМАТ ингаляторын ересектердің көмегімен қолданған жөн.
Ингаляторды күніне бір рет қана пайдалану керек. Әрбір пайдалану кезінде екі ингаляция жасау керек.
| Дозаны беретін ТҮЙМЕ |
| Сақтандырғыш |
| МӨЛДІР ТҮП |
| Вентиляциялық саңылау |
| Мүштік |
| Шаншитын элемент |
| Картридж |
| Қалпақша |
СПИРИВА РЕСПИМАТ ингаляторын қалай тазалап, күтеді
Мүштікті, соның ішінде мүштіктің ішіндегі металл бөлігін аптасына кем дегенде бір рет тек дымқыл сүрткімен немесе матамен тазалау қажет.
Мүштіктің түсінің аздап өзгеруі СПИРИВА РЕСПИМАТ ингаляторының өнімділігіне ықпалын тигізбейді.
Қажет болған жағдайда СПИРИВА РЕСПИМАТ ингаляторының сыртқы бетін ылғал шүберекпен сүртіңіз.
Жаңа СПИРИВА РЕСПИМАТ ингаляторын қашан сатып алу керек
| ТолыҚ |
| Бос |
| Дозалар индикаторы |
•Ингалятордың ішінде, оны нұсқауларға сай пайдаланған жағдайда (күніне бір рет/ екі ингаляция) 60 ингаляция (30 доза) болады.
•Дозалардың индикаторы қалған дозалардың шамамен алынған мөлшерін көрсетеді.
•Дозалардың индикаторы шкаланың қызыл аймағына енген кезде, жаңа рецепт алу қажет болады; дәрілер шамамен 7 күнге (14 ингаляция) қалады.
•Дозалардың индикаторы шкаланың қызыл аймағына жету бойына СПИРИВА РЕСПИМАТ индикаторы автоматты түрде бөгеледі және дозаны беру мүмкін болмай қалады. Осы сәттен бастап мөлдір түпті бұрауға болмайды.
•СПИРИВА РЕСПИМАТ ингаляторын, ішіндегі препараттың таусылған-таусылмағанына қарамай-ақ, алғашқы пайдаланудан кейін үш айдан кейін тастаған жөн.
Алғашқы пайдалануға дайындық
| 1.Мөлдір түпті шығарып алу •Қалпақша жабық болуы тиіс. •Сақтандырғышты басу және бір мезгілде басқа қолмен мөлдір түпті күштеп шығарып алу керек. |
| ||
| 2. Картриджді орналастыру •Картриджді жіңішке ұшымен ингаляторға орналастырыңыз. •Ингаляторды қатты жерге қойыңыз және оны орнына сырт етіп түскенше күштеп басыңыз. •Оны ингаляторға орналастыр- ғаннан кейінкартриджді алып тастамаңыз. |
| ||
| 3.Мөлдір түпті орнына орналастыру •Мөлдір түпті орнына сырт еткізіп орналастырыңыз. • Мөлдір түпті қайталап шешпеңіз. |
| ||
| 4.Бұрау •Қалпақша жабық болуы тиіс. •Мөлдір түпті заттаңбасында көрсетілген бағыттаманың бағытымен (жарты айналымға) сырт еткенше бұраңыз. |
| ||
| 5. Ашу •Қалпақшасын толық ашылғанша ашу керек. |
| ||
| 6.Басу •Ингаляторды төмен қаратыңыз. •Дозаны беретін түймені басыңыз. •Қалпақшасын жабыңыз. •Аэрозольдің көзге көрінетін буы пайда болғанға дейін 4-шіден бастап 6-шы қадамды қайталау керек. •Көзге көрінетін бу пайда болғаннан кейін 4-шіден бастап6-шы қадамды тағы үш рет қайталау керек. |
|
Енді ингалятор пайдалануға дайын. Осы қадамдар іштегі дозалардың мөлшеріне ықпалын тигізбейді. Дайындағаннан кейін ингалятор 60ингаляцияға (дәрінің 30 дозасы) жетеді.
Күн сайын пайдалану
| БҰРАУ |
| |
| АШУ |
| |
| БАСУ |
|
ЖИІ ҚОЙЫЛАТЫН СҰРАҚТАРҒА ЖАУАПТАР
Картриджді ішке терең орналастыру қиын Сіз мөлдір түпті картриджге орналастырғанға дейін байқамай бұрап қойдыңыз ба? Қалпақшаны ашыңыз, дозаны беретін түймені басыңыз, ал содан кейін картриджді орналастырыңыз. Сіз картридждің кең жағын алдыға қарай орналастырдыңыз ба? Картридждің жіңішке ұшын алдыға қарай орналастырыңыз. Дозаны беретін түймені баса алмаймын Сіз мөлдір түпті бұрадыңыз ба? Егер бұрамасаңыз, мөлдір түпті сырт еткенше (жалпы айналым) бұраңыз. СПИРИВА РЕСПИМАТ дозасының индикаторы нөлді көрсетіп тұр ма? Ингалятор 60 ингаляциядан (дәрінің 30 дозасы) кейін бөгеледі. Өзіңіздегі жаңа СПИРИВА РЕСПИМАТ ингаляторын дайындаңыз және пайдаланыңыз. Мен мөлдір түпті бұрай алмаймын. Сіз мөлдір түпті бұған дейін бұрадыңыз ба? Егер сіз мөлдір түпті бұраған болсаңыз, дәрілік затты алу үшін «Күн сайын пайдалану» бөліміндегі АШУ және БАСУ кезеңдерін жасаңыз. СПИРИВА РЕСПИМАТ дозасының индикаторы нөлді көрсетіп тұр ма? Ингалятор 60 ингаляциядан (дәрінің 30 дозасы) кейін бөгеледі. Өзіңіздегі жаңа СПИРИВА РЕСПИМАТ ингаляторын дайындаңыз және пайдаланыңыз. СПИРИВА РЕСПИМАТ ингаляторының дозалар индикаторының нөлге мезгілінен бұрын жетуі. СПИРИВА РЕСПИМАТ ингаляторын нұсқауларға сай (күніне бір рет/екі ингаляция) пайдаландыңыз ба? СПИРИВА РЕСПИМАТ ингаляторы күніне бір рет/ екі ингаляция жасаған жағдайда 30 күннен кейін таусылады. Сіз мөлдір түпті картриджді орналастырғанға дейін бұрадыңыз ба? Дозалар индикаторы, картридждің орналастырылғанына немесе оның жоқтығына қарамай-ақ, мөлдір түптің әрбір бұралуын есептейді. Сіз СПИРИВА РЕСПИМАТ ингаляторының жұмыс істейтініне-істемейтініне көз жеткізу үшін препаратты жиі бүріктіңіз бе? Егер СПИРИВА РЕСПИМАТ жұмыс істеуге дайын болса, онда күн сайын бүрку арқылы тексеруді қайталаудың қажеті жоқ. Сіз картриджді пайдаланылып қойған СПИРИВА РЕСПИМАТ ингаляторына орналастырдыңыз ба? ЖАҢА СПИРИВА РЕСПИМАТ ингаляторына әрдайым жаңа картриджді орналастырыңыз. Мендегі «СПИРИВА РЕСПИМАТ» препаратты автоматты түрде бүркеді. Сіз мөлдір түпті бұраған кезде қалпақша ашық болды ма? Қалпақшаны жабыңыз, ал содан кейін мөлдір түпті бұраңыз. Сіз мөлдір түпті бұраған кезде доза беретін түймені бастыңыз ба? Қалпақшаны жабыңыз, осылайша доза беретін түйме жабылады, ал содан кейін мөлдір түпті бұраңыз. Сіз мөлдір түпті бұрауды сыртыл естілгенге дейін тоқтаттыңыз ба? Мөлдір түпті сыртыл естілгенше (жарты айналым) үздіксіз бұраңыз. Мендегі «СПИРИВА РЕСПИМАТ» препаратты бүрікпейді. Сіз картриджді орналастырдыңыз ба? Егер жоқ болса, картриджді орналастырыңыз.
Сіз картриджді орналастырғаннан кейін кем дегенде үш рет БҰРАУ, АШУ және БАСУ кезеңдерін қайталадыңыз ба? Картриджді орналастырғаннан кейін, «Алғашқы пайдалануға дайындық» бөліміндегі 4–6 тармақта көрсетілгендей БҰРАУ, АШУ және БАСУ кезеңдерін үш рет қайталаңыз. СПИРИВА РЕСПИМАТ дозаларының индикаторы нөлді көрсетіп тұр ма? Егер дозалар индикаторы нөлді көрсетсе, демек, сіздің барлық препаратты пайдаланғаныңызды және ингалятордың бөгелгенін көрсетеді. Ингаляторды құрастырғаннан кейін мөлдір түпті немесе картриджді тастамаңыз. ЖАҢА СПИРИВА РЕСПИМАТ ингаляторына әрдайым жаңа картриджді орналастырыңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
ӨСОА -да
Жиі
Жиі емес
Сирек
Жиілігі белгісіз
Демікпеде
Жиі емес
Сирек
Жиілігі белгісіз
- несептің ауырсынып бөлінуі (дизурия)
- несеп шығару қиналыстары (несеп іркілуі)
- көзішілік қысымның жоғарылауы
- жүрек ырғағыныңбұзылуы (жүрекше фибрилляциясы, қарыншалық
тахикардия)
- тілдің қабынуы (глоссит)
- жұтудың қиындауы (дисфагия)
- көз қызаруымен бірге жүретін жарқыл немесе түрлі түсті бейнелердіңқоршауы көрінуі (глаукома)
-көрудің анық болмауы
-көмейдің қабынуы (ларингит)
-тіс жегісі
- тері инфекциялары немесе ойылып жаралануы
-терінің құрғауы
-қыжыл (гастроэзофагеальді рефлюксті ауру)
-организмде су жеткіліксіздігі (сусыздану)
- мұрын қойнауларының қабынуы (синусит)
-ішектегі бөгелістер немесе нәжістің шықпауы (ішек бітелісі, оның ішінде ішектің салданып бітелуі)
-жайсыздық сезіну (жүрек айнуы)
-жедел аллергиялық реакциялар (анафилаксиялық реакциялар)
-буындардың ісінуі
Жедел түрдегі аллергиялық реакциялар, мысалы бөртпе, қышыну бөртпесі (есекжем), ауыздың және беттің ісінуі немесе тыныс алудың кенеттен қиындауы (ангионевроздық ісіну) немесе басқа да аса жоғары сезімталдық реакциялары (артериялық қысымның кенеттен төмендеуі немесе бас айналуы сияқты) жеке немесе жалпы ауыр аллергиялық реакцияның (анафилаксиялық реакцияның) бір бөлігі ретінде РЕСПИМАТ СПИРИВА препаратының ингаляциясынан кейін пайда болуы мүмкін.
Сонымен қатар, барлық ингаляциялық препараттарды қолданған жағдайда да, кейбір пациенттерде тыныс алудан кейін бірден кеудеде, жөтел, ентігу немесе тыныс алу қиындауының (бронх түйілуі) күтпеген сезінуі болуы мүмкін. Егер жоғарыда аталғандардың біреуі сізде болса, дереу дәрігерге хабарласыңыз.
Жағымсыз әсерлер пайда болған жағдайда дәрігерге немесе фармацевтке хабарласыңыз. Бұған осы қосымша бетте көрсетілмеген кез келген ықтимал жағымсыз әсерлер кіреді.
Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек
Қазақстан РеспубликасыДенсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды, медициналық бұйымдарды сараптау Ұлттық орталығы” ШЖҚ РМК
Қосымша мәліметтер
Дәрілік препараттың құрамы
1 ингаляция құрамында 2.5 мкг тиотропий
(2 ингаляция бір емдік дозаға сәйкес келеді)
белсенді зат1 дозада - 5.000 мкг тиотропий (6.247 мкг тиотропий бромиді моногидратына баламалы),
қосымша заттар: бензалконий хлориді, динатрий эдетаты, 1М хлорсутек қышқылы, тазартылған су
Сыртқы түрінің, иісінің, дәмінің сипаттамасы
Мөлдір, түссіз сұйықтық.
Шығарылу түрі және қаптамасы
Респимат® жүйесіне арналған алюминий патрондарға салынған картридждерге препарат 4 мл-ден құйылған. Картриджге өздігінен желімделетін заттаңба жапсырылған.
1 Респимат® ингаляторымен 1 картридж жиынтықта медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
Сақтау мерзімі 3 жыл.
Картриджді ашқаннан кейінгі қолдану кезеңі: 3 ай.
Жарамдылық мерзімі өткеннен кейін қолдануға болмайды!
Кәріз құбырларына утилизациялауға болмайды. Бұл дәрілік затты утилизациялау әдістері туралы фармацевтпен ақылдасыңыз. Бұл шаралар қоршаған ортаны қорғауға көмектеседі.
Сақтау шарттары
25 ºС-ден аспайтын температурада сақтау керек. Мұздатып қатыруға болмайды!
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Берингер Ингельхайм Фарма ГмбХ және Ко.КГ, Ингельхайм, Германия
Бингер Штрассе 173, 55216 Ингельхайм-на-Рейне, Германия
Тел.: +49 6132 77-0. Факс: +49 6132 72-0
www.boehringer-ingelheim.com
Тіркеу куәлігінің ұстаушысы
Берингер Ингельхайм Интернешнл ГмбХ, Ингельхайм, Германия
Бингер Штрассе 173, 55216 Ингельхайм-на-Рейне, Германия
Тел.: +49 6132 77-0. Факс: +49 6132 72-0
www.boehringer-ingelheim.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Берингер Ингельхайм Фарма Геселлшафт м.б.Х» Қазақстан Республикасындағы филиалы
050008, Алматы қ., Абай даңғ. 52, «Innova Tower» БО, 7 қабат
тел: + 7 (727) 250 00 77; факс: +7 (727) 244 51 77
e-mail: PV_local_Kazakhstan@boehringer-ingelheim.com