Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Тиотриазолин 200 мг № 90 табл

7320
Қолжетімділігі
Сатылымда бар
Үлгі
4823004006504
Елі
Украина
Өндіруші
Киевмедпрепарат ОАО
  • Сипаттама
  • Дәріханалар

Сипаттама

Дәрілік заттың медицинада қолданылуы

жөніндегі нұсқаулық

ТИОТРИАЗОЛИН

Саудалық атауы

Тиотриазолин

Халықаралық патенттелмеген атауы

Тиазот қышқылы

Дәрілік түрі

200 мг таблеткалар

Құрамы

Бір таблетканың құрамында

Белсенді зат: тиазот қышқылының морфолин тұзы 100 % затқа шаққанда, тиазот қышқылының 133 мгбаламалы – 200 мг;

қосымша заттар: картоп крахмалы, повидон, қант-ұнтақ, микрокристалды целлюлоза, кальций стеараты – салмағы 240 мг таблетка алғанға жеткілікті мөлшер.

Сипаттамасы

Тегіс беткейлі, ойығы мен сызығы бар дөңгелек пішінді, ақ немесе ақ дерлік түсті таблеткалар.

Фармакотерапиялық тобы

Жүрек-қантамыр жүйесі ауруларын емдеуге арналған препараттар. Жүрек ауруларын емдеуге арналған препараттар. Жүрек ауруларын емдеуге арналған басқа да препараттар. Кардиотоникалық басқа да препараттар. Тиазот қышқылы.

АТХ коды С01ЕВ23

Фармакологиялық қасиеттері

Фармакокинетикасы. Ішке қабылдағаннан кейін препарат жылдам сіңіріледі, оның абсолютті биожетімділігі 53 % құрайды. 200 мг дозада бір реттік қабылдағаннан кейін қан плазмасындағы ең жоғары концентрациясына 1,6 сағаттан кейін жетеді. Жартылай шығарылу кезеңі 8 сағатты дерлік құрайды.

Фармакодинамикасы. Тиотриазолиннің фармакологиялық әсері ишемияға қарсы, жарғақшаны тұрақтандырғыш, антиоксидантты және иммунитетті модулдеуші әсер етумен жүзеге асады.

Препараттың әсер етуі анаэробтық гликолиздің компенсаторлы белсенділенуінің және Кребс циклында, жасушаішілік АТФ қорының сақталып, тотығу үдерістерінің белсенділенуінің күшеюі есебінен жүзеге асады. Тиазот қышқылы молекуласының құрылымында тотығу-тотықсыздану қасиеттері тән тиол күкіртінің, және сутегі иондарының артығын байланыстыратын үштік азоттың болуыантиоксидантты жүйенің белсенділенуін жүзеге асырады. Тиол тобының күшті тотықсыздандырғыш қасиеттері оттегінің белсенді түрлерімен және липидтік радикалдармен реакциясын тудырады. Радикалға қарсы ферменттердің –супероксиддисмутазаның, каталазаның және глутатионпероксидазаның реактивациясы – оттегінің белсенді түрлерінің инициациясын болдырмайды.

Тиазот қышқылының әсері миокардтың ишемияланған жерлерінде липидтердің тотығу үдерісін тежейді, миокардтыңкатехоламиндерге сезімталдығын азайтады, жүректің жиырылу қызметінің үдеп басылуына жол бермейді, миокардтың некроз аймағын және ишемиясын сәйкесінше азайтады және тұрақтандырады. Қанның реологиялық қасиеттерінің жақсаруы фибринолитикалық жүйенің белсенділенуі есебінен жүзеге асады. Миокард метаболизмі үдерісінің жақсаруы, оның жиырылғыштық қызметінің жоғарылауы жүрек ырғағының қалыпты болуына мүмкіндік береді, ол тиазот қышқылын жүректің ишемиялық ауруларының алуан түрлеріне шалдыққан науқастарды емдеу үшін ұсынуға мүмкіндік береді.

Препаратты кардиологияда қатарластыра қолданумен бірге, тиазот қышқылын бауыр және басқа ішкі ағзалар ауруларын емдеген кезде, оның жоғары гепатопротекторлы қасиеттерін есепке ала отырып, қолданады. Препаратгепатоциттердің бұзылуына жол бермейді, май инфильтрациясының дәрежесін және бауырдың центролобулярлы некроздарының таралуын төмендетеді, гепатоциттердің репаративті регенерация үдерістеріне мүмкіндік береді, оларда ақуыздық, көмірсулық, липидтік және пигменттік алмасуды қалыпқа келтіреді. Өттің синтезі менбөлініп шығужылдамдығынарттырады, олардың химиялық құрамын қалыпты етеді.

Қолданылуы

Кешенді ем құрамында:

- жүректің ишемиялық ауруларында (стенокардия,миокард инфарктісі,инфарктіден кейінгі кардиосклероз), жүрек аритмиясында

- этиологиясы алуан түрлі созылмалы гепатиттерде (оның ішінде алкогольдік гепатитте), бауыр циррозында

Қолдану тәсілдері және дозасы

Жүктемелік тұрақты стенокардия кезінде Тиотриазолин ішке 200 мг тәулігіне 3 рет тағайындалады. Емдеу курсы- 8 апта.

Тыныштық күйдегі стенокардия, миокард инфарктісі, инфарктен кейінгі кардиосклероз кезінде Тиотриазолин ішке 200 мг тәулігіне 3 рет 20-30 күн бойы тағайындалады.

Жүрек ырғағы бұзылған кезде Тиотриазолин ішке 200 мг немесе тіл астына тәулігіне 3 рет тағайындалады.

Бауыр аурулары кезінде Тиотриазолин ішке 200 мг тәулігіне 3 рет 20-30 күн бойы тағайындалады.

Емдеу курсының ұзақтығын ауырлығына және ауыру ағымына қарай дәрігер жекелей белгілейді.

Жағымсыз әсерлері

Препараттың, әдетте көтерімділігі жақсы.

Жоғары дербес сезімталдығы бар науқастарда мыналар пайда болуы мүмкін:
тері және тері асты жасушалары тарапынан: қышу, тері гиперемиясы, бөртпе, есекжем, ангионевротикалық ісіну.
Кешенді ем құрамында қабылдаған кезде, егде жастағы пациентерде көбінесе мыналар пайда болуы мүмкін:
иммундық жүйе тарапынан: анафилаксиялық шок, аллергиялық реакциялар;
орталық және шеткері жүйке жүйесі тарапынан: бас айналуы, құлақтағы шуыл, жалпы әлсіздік, бас ауыруы;
асқазан-ішек жолдарытарапынан: диспепсиялық көріністері, ауыздың құрғауы, жүрек айну, құсу, іштің кебуі;

Тыныс алу алу жүйесі, кеуде қуысы және көкірек ортасы тарапынан:

ентігу, тұншығу, бронхтық түйілу;

жалпы бұзылулар: жалпы әлсіздік, қызба;
Тіркеуден кейінгі бақылау кезеңінде сондай-ақ Тиотриазолин препаратынқабылдаумен байланысты екендігі дәлелденбеген реакциялар байқалған:
жүрек-қан тамыр жүйесі тарапынан: артериялық гипертензия, тахикардия, артериялық қысымы төмендеген жағдайда жүрек маңының ауыруы, аритмия.

Қолдануға болмайтын жағдайлар

  • Тиотриазолинге және препараттың басқа компоненттеріне жоғары сезімталдық
  • бүйрек жеткіліксіздігі
  • жүктілік және лактация кезеңі
  • балалар және 18 жасқа дейінгі жасөспірімдер
  • тұқым қуалайтын фруктозаны көтере алмаушылық немесе глюкоза-галактоза мальабсорбциясы

Дәрілермен өзара әрекеттесуі

Тиотриазолинді кардиопротекторлы препарат ретінде жүректің ишемиялық ауруын емдейтін базистік дәрілермен біріктіріп қолдануға болады.Гепатопротекторлы дәрі ретінде этиологиясы сәйкес келетін гепатиттерді емдеудің дәстүрлі әдістерін тағайындаумен біріктірілуі мүмкін.

Айрықша нұсқаулар

Жүктілік немесе бала емізу кезеңінде қолданылуы

Жүктілік немесе бала емізу кезеңінде препаратты қолданудың тиімділігі мен қауіпсіздігі зерттелмеген.

Балалар

Препаратты балаларға қолданудың тәжірибесі жеткіліксіз.

Автокөлікті басқару немесе басқа механизмдермен жұмыс істеу кезінде реакция жылдамдығына әсер ету қабілеті

Қазіргі кезде хабарлар жоқ, алайда бас айналуы мүмкін екендігін ескеру керек.

Артық дозалануы

Симптомдары: натрий мен калий концентрациясының несепте жоғарылауы.

Емі: симптоматикалық ем, препаратты тоқтату.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

9 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, 25 оС -ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

“Киевмедпрепарат” ЖАҚ

Украина, 01032, Киев қ., Саксаганский к-сі, 139

Тіркеу куәлігінің иесі

“Киевмедпрепарат” ЖАҚ

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

Қазақстан Республикасындағы «Артериум» корпорациясының өкілдігі

050060, Алматы қ., Әл-Фараби даңғылы, 97 үй, 3 подъезд, «54» кеңсе

Тел/факс: 8(727)315-82-09; 8(727)315-82-10;

Е-mail: Almaty@arterium.ua

Дәріханалар

Тауар артығымен бар
Тауар аз қалды
Аптека № 32
г.Туркестан ул Б.Саттарханова 27 г
Круглосуточно